<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Tuesday, 20th May 2025

ઋષભ પંતનો ખરાબ તબક્કો : IPL સિઝનમાં વધુ એક ઝટકો :શરમજનક કેપ્ટનોની યાદીમાં સામેલ

ઋષભ પંતે તેના IPL ઇતિહાસમાં વર્તમાન સિઝનમાં સૌથી ખરાબ પ્રદર્શન કર્યું

 

--

   ફોટો pant

લખનઉ સુપરજાયન્ટ્સના કેપ્ટન ઋષભ પંતનો ખરાબ તબક્કો IPL 2025માં ચાલુ છે. સોમવારે સનરાઇઝર્સ હૈદરાબાદ સામે 6 બોલમાં સાત રન બનાવીને પંત પેવેલિયન પાછો ફર્યો. પંતની ઇનિંગ્સનો અંત એહસન મલિંગાએ કર્યો, જેણે પોતાની જ બોલિંગ પર એક શાનદાર કેચ પકડ્યો.

એહસાન મલિંગાના કેચનો વિડિયો સોશિયલ મીડિયા પર વાયરલ થયો છે. જોકે, ઋષભ પંત સિંગલ ડિજિટમાં આઉટ થઈને એક અનિચ્છનીય ક્લબનો ભાગ બની ગયો. પંત IPL 2025માં સાતમી વખત સિંગલ ડિજિટમાં આઉટ થયો અને એક સિઝનમાં સૌથી વધુ વખત સિંગલ ડિજિટમાં આઉટ થનાર ચોથો કેપ્ટન બન્યો.


આઈપીએલ સીઝનમાં સૌથી વધુ વખત સિંગલ ડિજિટમાં આઉટ થનારા કેપ્ટન બનવાનો રેકોર્ડ ઈયોન મોર્ગનના નામે છે. 2021 સીઝનમાં કેપ્ટન મોર્ગન 11 વખત સિંગલ ડિજિટમાં આઉટ થયો હતો. આ યાદીમાં ગૌતમ ગંભીર બીજા સ્થાને છે, જે 2014 સીઝનમાં 8 વખત સિંગલ ડિજિટમાં આઉટ થયો હતો.

IPL સિઝનમાં કેપ્ટન તરીકે સૌથી વધુ સિંગલ ડિજિટમાં આઉટ થવાની સંખ્યા

  • 11: ઇયોન મોર્ગન (2021)
  • 08: ગૌતમ ગંભીર (2014)
  • 08: રોહિત શર્મા (2017)
  • 07: ઋષભ પંત (2025)
  • 07: રોહિત શર્મા (2023)
  • 07: એડમ ગિલક્રિસ્ટ (2010)
  • 07: બ્રેન્ડન મેક્કુલમ (2009)

ઋષભ પંતે તેના IPL ઇતિહાસમાં વર્તમાન સિઝનમાં સૌથી ખરાબ પ્રદર્શન કર્યું છે. તે IPL 2025માં સાત વખત સિંગલ ડિજિટમાં આઉટ થયો હતો. આ પહેલા તેનું સૌથી ખરાબ પ્રદર્શન 2017માં જોવા મળ્યું હતું, જ્યારે તે 6 વખત સિંગલ ડિજિટમાં આઉટ થયો હતો. પછી 2019માં પંત પાંચ વખત સિંગલ ડિજિટમાં આઉટ થયો.

ઋષભ પંતનું બેટ ભલે શાંત રહ્યું હોય, પરંતુ સોમવારે IPL 2025ની 61મી મેચમાં લખનઉ સુપરજાયન્ટ્સે સનરાઇઝર્સ હૈદરાબાદ સામે મોટો સ્કોર બનાવવામાં સફળતા મેળવી.

એકાના સ્ટેડિયમમાં પ્રથમ બેટિંગ કરતા લખનઉએ 20 ઓવરમાં 7 વિકેટ ગુમાવીને 205 રન બનાવ્યા. લખનઉ માટે ઓપનર મિશેલ માર્શ (65), એડન માર્કરામ (61) અને નિકોલસ પૂરન (45) રનનું સારું યોગદાન આપ્યું.

(12:14 AM IST)