ગુજરાત ટાઇટન્સ ટીમ તેમના હોમ ગ્રાઉન્ડ નરેન્દ્ર મોદી સ્ટેડિયમમાં લખનઉ સુપરજાયન્ટ્સ સામે ટકરાઈ રહી છે. આ મેચમાં, ગુજરાતનો એક બોલર બે વાર પડી ગયો અને ખરાબ રીતે ઘાયલ થઈને બહાર ગયો. એક ઓવર નાખ્યા પછી બોલર 16મી ઓવર સુધી પાછો ફર્યો નહીં જે ગુજરાત માટે આંચકો સાબિત થયો. આ બોલરનું નામ અરશદ ખાન છે.

આ મેચમાં ગુજરાતના કેપ્ટન શુભમન ગિલે ટોસ જીતીને પ્રથમ બોલિંગ કરવાનો નિર્ણય લીધો હતો. આ મેચમાં ગુજરાતની ટીમ આછા ગુલાબી રંગની જર્સી પહેરીને આવી હતી. ગુજરાતની ટીમ કેન્સર જેવા રોગો સામે જાગૃતિ ફેલાવવા માટે આ જર્સી પહેરીને આવી છે.

મેચની પહેલી ઓવર મોહમ્મદ સિરાજે નાખી. આ પછી અરશદ ખાન બીજી ઓવર નાખવા આવ્યો. જ્યારે અરશદ પહેલો બોલ નાખવા આવ્યો ત્યારે રન-અપ લીધા પછી બોલિંગ કરતી વખતે પડી ગયો. તેનો ડાબો પગ લપસી ગયો અને તે પીડાથી કણસવા લાગ્યો. કોઈક રીતે તે ઊભો થયો અને પોતાની ઓવર પૂરી કરવા લાગ્યો. ફરી એકવાર ઓવરના પાંચમા બોલ પર તેનો પગ લપસી ગયો અને તે પડી ગયો. કોઈક રીતે તેણે બે વધુ બોલ ફેંક્યા. આ પછી તે બહાર ગયો. બહાર, બાઉન્ડ્રી લાઇનની નજીક, ફિઝિયો તેની ઈજા પર કામ કરતા જોવા મળ્યા. ત્યારબાદ અરશદ 17મી ઓવર ફેંકવા પાછો ફર્યો.

ત્રીજી ઓવર નાખવા આવેલા સિરાજને પણ ઈજા થઈ હતી. તેણે ઓવરનો ચોથો બોલ માર્શને ફેંક્યો. માર્શે આ બોલ સામેની તરફ રમ્યો અને સિરાજે તેને પકડવાનો પ્રયાસ કર્યો, પરંતુ બોલ ખૂબ જ ફાસ્ટ હતો અને તેથી સિરાજ તેને પકડી શક્યો નહીં. જોકે, તેની આંગળીમાં ઈજા થઈ હતી અને તે થોડો દુખાવો અનુભવતો હતો. ગિલ તેની પાસે આવ્યો અને તેના હાથ તરફ જોયું. ઓવર પછી, સિરાજ થોડીવાર માટે બહાર ગયો અને પછી પાછો આવ્યો.