મુંબઈ :દિલ્હી કેપિટલ્સના બેટ્સમેન આશુતોષ શર્માએ ઈંગ્લેન્ડમાં પોતાના ક્લબ ક્રિકેટ ડેબ્યૂ દરમિયાન વિગન ક્રિકેટ ક્લબ માટે 70 બોલમાં સદી ફટકારીને પોતાની પ્રતિભા સાબિત કરી. તે 73 બોલમાં 100 રન બનાવીને આઉટ થયો હતો.

તેણે શનિવારે લિવરપૂલ અને ડિસ્ટ્રિક્ટ ક્રિકેટ સ્પર્ધામાં ફોર્મબી સીસી સામેની મેચમાં ઈંગ્લેન્ડ અને વેલ્સ ક્રિકેટ બોર્ડ (ECB) પ્રીમિયર લીગ હેઠળ ક્લબ ક્રિકેટમાં ડેબ્યૂ કર્યું.

આશુતોષે ૯.૫ ઓવરમાં ૧૭/૩ થી બેટિંગ શરૂ કરી અને ઓપનિંગ બેટ્સમેન અવિન દાલુગોડ સાથે ૧૫૩ રનની ભાગીદારી કરી. તેણે ૭૩ બોલમાં ૧૦૦ રન બનાવ્યા, જેમાં આઠ ચોગ્ગા અને છ છગ્ગાનો સમાવેશ થાય છે અને તેનો સ્ટ્રાઇક રેટ ૧૩૬.૯૯ હતો. તેના આઉટ થયા પછી, ટીમનો બેટિંગ ક્રમ તૂટી પડ્યો અને વિગનનો સ્કોર 41 ઓવરમાં 170/3 થી ઘટીને 195/7 થયો.