મુંબઈ : ભારતીય ટીમના દિગ્ગજ ખેલાડીઓ વિરાટ કોહલી અને રોહિત શર્માએ ટેસ્ટ અને T20I ફોર્મેટમાંથી નિવૃત્તિ લઈ લીધી છે. આ બંને દિગ્ગજ ખેલાડીઓ હવે ફક્ત ODI ફોર્મેટમાં જ રમતા જોવા મળશે. જેના કારણે હવે ચાહકો આગામી ODI શ્રેણીની રાહ જોઈ રહ્યા છે. આ દરમિયાન, ચાહકોને ખૂબ જ સારા સમાચાર મળ્યા છે. ભારત અને ન્યુઝીલેન્ડ વચ્ચેની સફેદ બોલ શ્રેણી અંગે એક મોટી અપડેટ આવી છે. જેની સાથે તારીખ અને સ્થળ પણ નક્કી કરવામાં આવ્યું છે.  

   અહેવાલ મુજબ, ભારત અને ન્યુઝીલેન્ડ વચ્ચે જાન્યુઆરી 2026 માં 3 ODI અને 5 T20 મેચની શ્રેણી રમાશે. આ શ્રેણીની પહેલી મેચ 11 જાન્યુઆરીએ હૈદરાબાદમાં રમાશે. છેલ્લી મેચ 31 જાન્યુઆરીએ ત્રિવેન્દ્રમમાં રમાશે. વનડે શ્રેણી દરમિયાન રોહિત શર્મા અને વિરાટ કોહલીને ચાહકો પણ જોઈ શકશે. જોકે, તે પહેલાં ટીમ ઈન્ડિયા બાંગ્લાદેશ અને ઓસ્ટ્રેલિયા સામે પણ ODI શ્રેણી રમી શકે છે. જોકે, BCCI એ હજુ સુધી આ શ્રેણી અંગે કોઈ બેઠક યોજી નથી. હાલમાં ટીમ ઈન્ડિયા ઈંગ્લેન્ડના પ્રવાસે છે. જ્યાં ટીમને 5 મેચની ટેસ્ટ શ્રેણી રમવાની છે. શ્રેણીની પહેલી મેચ 20 જૂને હેડિંગ્લી ખાતે રમાશે. લાંબા સમય પછી, ટીમ ઈન્ડિયા રોહિત શર્મા અને વિરાટ કોહલી વિના ટેસ્ટ શ્રેણી રમવા જઈ રહી છે.  

ભારત વિરુદ્ધ ન્યુઝીલેન્ડ 2026 શેડ્યૂલ પહેલી વનડે: 11 જાન્યુઆરી, હૈદરાબાદ બીજી વનડે: 14 જાન્યુઆરી, રાજકોટ ત્રીજી વનડે: 18 જાન્યુઆરી, ઇન્દોર પહેલી ટી20: 21 જાન્યુઆરી, નાગપુર બીજી ટી20: 23 જાન્યુઆરી, રાંચી ત્રીજી ટી20: 25 જાન્યુઆરી, ગુવાહાટી ચોથી ટી20: 28 જાન્યુઆરી, વિઝાગ 5મી ટી20: 31 જાન્યુઆરી, ત્રિવેન્દ્રમ