તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
શું હવે ટેસ્ટમાં પાંચ નહિ ચાર દિવસ હશે?
એક દિવસમાં ૯૦ નહી ૯૮ ઓવર રમાશેઃ આઈસીસી દ્વારા વિચારણા
નવી દિલ્હી,તા.૧૭: ટેસ્ટ મેચનું નામ આવતાની સાથે જ સૌથી પહેલા પાંચ દિવસની મેચ ધ્યાનમાં આવે છે, પરંતુ હવે તે બદલાઈ શકે છે. વર્લ્ડ ટેસ્ટ ચેમ્પિયનશિપનું નવું ચક્ર શરૂ થઈ ગયું છે, પરંતુ શકય છે કે આવનારા સમયમાં ટેસ્ટ મેચ ઓછા દિવસની હોય. જોકે આનાથી બધી ટીમો પ્રભાવિત નહીં થાય, પરંતુ ટેસ્ટ ક્રિકેટને વધુ રસપ્રદ બનાવવાનો પ્રયાસ ચાલી રહ્યો છે. ટૂંક સમયમાં આઈસીસી આ અંગે અંતિમ નિર્ણય લઈ શકે છે.
વાસ્તવમાં ધ ગાર્ડિયનનો એક અહેવાલ બહાર આવ્યો છે, જેમાં કહેવામાં આવ્યું છે કે નાના દેશો માટે ચાર દિવસની ટેસ્ટ મેચનું આયોજન કરી શકાય છે. આ એટલા માટે કરવામાં આવી રહ્યું છે જેથી નાના દેશો પણ સતત ટેસ્ટ ક્રિકેટ રમી શકે. આઈસીસી પ્રમુખ જય શાહ તાજેતરમાં ઇંગ્લેન્ડમાં હતા, જ્યાં લોર્ડ્સના ઐતિહાસિક મેદાન પર વર્લ્ડ ટેસ્ટ ચેમ્પિયનશિપના ત્રીજા રાઉન્ડની ફાઇનલ રમાઈ હતી. એવું માનવામાં આવે છે કે જય શાહ આમાં ચાર દિવસની ટેસ્ટ માટે સંમત થયા છે.
ચાર દિવસની ટેસ્ટમાં એક દિવસમાં ૯૮ ઓવર હશે. ગમે તે હોય, જ્યારે કોઈ મોટી ટીમ ટેસ્ટમાં નાની ટીમ સાથે સ્પર્ધા કરે છે, ત્યારે મેચ ત્રણથી ચાર દિવસમાં સમાપ્ત થઈ જાય છે. આ કવાયત સમય બચાવવા માટે કરવામાં આવી રહી છે, જેથી ઓછા દિવસોમાં વધુને વધુ ટેસ્ટ કરી શકાય. જોકે એ ધ્યાનમાં રાખવામાં આવશે કે હાલમાં ટેસ્ટ મેચના એક દિવસમાં ૯૦ ઓવર રમવાની જરૂર છે, પરંતુ ચાર દિવસની ટેસ્ટમાં ઓછામાં ઓછી ૯૮ ઓવર રમવાની રહેશે, જેથી પરિણામ ચાર દિવસમાં સરળતાથી જાહેર કરી શકાય. જોકે, આઈસીસી તરફથી અંતિમ મંજૂરી અને નવા નિયમોની રાહ જોવાઈ રહી છે.
(4:23 PM IST)
છેલ્લા 8 દિવસમાં સૌથી લોકપ્રિય 
