નવી દિલ્હી: ભારતીય ફૂટબોલ ટીમના ભૂતપૂર્વ મુખ્ય કોચ માનોલો માર્ક્વેઝ 2025-26 સીઝન માટે એફસી ગોવાના કોચ તરીકે ચાલુ રહેશે. ટીમે સોશિયલ મીડિયા દ્વારા આ વાતની પુષ્ટિ કરી છે.માનોલો માર્ક્વેઝ ભારતીય ફૂટબોલ ટીમના મુખ્ય કોચ તેમજ એફસી ગોવાના કોચની બેવડી ભૂમિકા ભજવી રહ્યા હતા. માર્ક્વેઝે 2024 માં એફસી ગોવા સાથે મુખ્ય કોચ તરીકે 2 વર્ષ માટે કરાર કર્યો હતો.માનોલો માર્ક્વેઝે કહ્યું, "હું છેલ્લા બે સીઝનથી ખૂબ જ ખુશ હતો, જ્યાં ટીમે દર વર્ષે સતત સુધારો દર્શાવ્યો હતો. ક્લબ જે સંગઠન સાથે કામ કરે છે તે સ્તર સામાન્ય રીતે ભારતીય ક્લબ ફૂટબોલમાં જોવા મળતું નથી, જેના કારણે એફસી ગોવા ખૂબ જ ખાસ ક્લબ બની ગયું છે. મને સ્પષ્ટ હતું કે જો મારે ભારતમાં રહેવું હોય, તો તે એફસી ગોવા સાથે રહેવું પડશે."