દુબઈ: ભારત અને પાકિસ્તાન વચ્ચેના તણાવપૂર્ણ સંબંધોને કારણે એશિયા કપ ૨૦૨૫નું આયોજન ભારતમાં નહીં, પરંતુ સંયુક્ત આરબ અમીરાત (યુએઈ)માં કરવાનો નિર્ણય લેવાયો છે. એશિયન ક્રિકેટ કાઉન્સિલ (એસીસી)ના પ્રમુખે જણાવ્યું હતું કે આ ટૂર્નામેન્ટ ૯થી ૨૮ સપ્ટેમ્બર ૨૦૨૫ દરમિયાન યુએઈમાં રમાશે. ટૂર્નામેન્ટનું ટાઈમ ટેબલ ટૂંક સમયમાં જાહેર કરવામાં આવશે. આ નિર્ણય ભારત અને પાકિસ્તાન વચ્ચેના રાજકીય તણાવને ધ્યાનમાં રાખીને લેવામાં આવ્યો છે, જેના કારણે ભારતમાં આયોજન શક્ય નથી. એસીસીએ ખેલાડીઓ અને ચાહકોની સુરક્ષાને પ્રાથમિકતા આપીને આ નિર્ણય લીધો છે. યુએઈમાં આગામી એશિયા કપમાં ભારત, પાકિસ્તાન, શ્રીલંકા, બાંગ્લાદેશ, અફઘાનિસ્તાન અને અન્ય ટીમો ભાગ લેશે. ક્રિકેટ ચાહકો આ ટૂર્નામેન્ટની આતુરતાથી રાહ જોઈ રહ્યા છે, ખાસ કરીને ભારત-પાકિસ્તાનની મેચની રોમાંચક ક્ષણો માટે.