મુંબઈ : શુભમન ગિલ ટેસ્ટ સિરીઝમાં શાનદાર પ્રદર્શન કરી રહ્યો છે.  હવે ગિલે ચોથી ટેસ્ટ મેચમાં પણ સદી ફટકારી છે, જે ચાલુ ટેસ્ટ સિરીઝમાં તેની ચોથી સદી છે. ગિલ 101 રન બનાવ્યા પછી ક્રીઝ પર હાજર છે.

શુભમન ગિલે ઈંગ્લેન્ડ સામે ચાલી રહેલી ટેસ્ટ સિરીઝમાં અત્યાર સુધીમાં કુલ 715 રન બનાવ્યા છે. આ સાથે, તે ટેસ્ટ શ્રેણીમાં 700+ રન બનાવનાર માત્ર બીજો ભારતીય કેપ્ટન બન્યો છે. આ પહેલા સુનીલ ગાવસ્કરે 1978/79 માં વેસ્ટ ઈન્ડિઝ સામેની ટેસ્ટ સિરીઝમાં 732 રન બનાવ્યા હતા. ગાવસ્કર અને ગિલ સિવાય, કોઈ અન્ય ભારતીય કેપ્ટન ટેસ્ટ સિરીઝમાં 700+ રન બનાવી શક્યો નથી. ટેસ્ટ સિરીઝ કેપ્ટન તરીકે સૌથી વધુ સદી ફટકારવાનો વિશ્વ રેકોર્ડ ડોન બ્રેડમેન અને સુનીલ ગાવસ્કરના નામે હતો. ગાવસ્કરે સિરીઝમાં વેસ્ટ ઈન્ડિઝ સામે ચાર સદી ફટકારી હતી. હવે શુભમન ગિલે કેપ્ટન તરીકે ઇંગ્લેન્ડ સામેની ટેસ્ટ સિરીઝમાં ચાર સદી ફટકારી છે અને આ બંને દિગ્ગજોના રેકોર્ડની બરાબરી કરી છે.