<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Sunday, 17th August 2025

બેટ્સમેન જાણી જોઈને શોર્ટ રન લ્યે તો કયા બેટ્સમેન સ્ટ્રાઈક પર રહેશે ? ફિલ્ડિંગ ટીમનો સુકાની નક્કી કરશે

ભારતીય ક્રિકેટ કંટ્રોલ બોર્ડે ઘરેલુ ક્રિકેટમાં શોર્ટ રન અંગે એક નવો નિયમ બનાવ્યો

મુંબઈ :ભારતીય ક્રિકેટ કંટ્રોલ બોર્ડે ઘરેલુ ક્રિકેટમાં શોર્ટ રન અંગે એક નવો નિયમ બનાવ્યો છે. હવે જો કોઈ બેટ્સમેન જાણી જોઈને શોર્ટ રન લે છે, તો ફિલ્ડિંગ ટીમનો કેપ્ટન નક્કી કરશે કે કયા બેટ્સમેન સ્ટ્રાઈક પર રહેશે. આવી સ્થિતિમાં BCCI એ શોર્ટ રનના મામલે કેપ્ટનને સત્તા આપી છે.

   ક્રિકબઝના અહેવાલ મુજબ ક્રિકેટ મેચમાં બેટ્સમેન જાણી જોઈને શોર્ટ રન લે છે જેથી સિનિયર બેટ્સમેન સ્ટ્રાઈક પર આવી શકે. જ્યારે પણ કોઈ સિનિયર બેટ્સમેન નીચલા ક્રમના ખેલાડીઓ સાથે ક્રીઝ પર હાજર હોય છે, ત્યારે તે સ્ટ્રાઈકને વધુ સમય માટે પોતાની પાસે રાખવા માંગે છે. આ જ કારણે શોર્ટ રન પ્રથામાં આવ્યા. આ ક્યારેક T20 ક્રિકેટ, ફ્રેન્ચાઇઝી ક્રિકેટ અને IPLમાં જોવા મળતું હતું. શોર્ટ રન માટે પહેલાથી જ એક નિયમ છે, જેના હેઠળ ફિલ્ડિંગ ટીમને પાંચ રન સુધી આપી શકાય છે અને મેચ રેફરીની સામે સુનાવણીની જોગવાઈ પણ છે.

   હવે BCCI એ એક નવો નિયમ ઉમેર્યો છે કે જો બેટ્સમેન જાણી જોઈને શોર્ટ રન લે છે, તો ફિલ્ડિંગ ટીમનો કેપ્ટન નક્કી કરશે કે કયા બેટ્સમેન સ્ટ્રાઈક પર રહેશે. જો અમ્પાયરને લાગે કે શોર્ટ રન જાણી જોઈને લેવામાં આવ્યો નથી, તો કોઈ કાર્યવાહી કરવામાં આવશે નહીં.

શોર્ટ રન નિયમ (કલમ 18.5.2): જો શોર્ટ રન જાણી જોઈને લેવામાં આવે છે, તો અમ્પાયર બોલ પર લેવાયેલા કોઈપણ રનને નકારી કાઢશે. ફિલ્ડિંગ ટીમને પાંચ વધારાના રન આપી શકે છે. જો લાગુ પડે તો, નો બોલ કે વાઈડનો સંકેત આપશે. વિરોધી ટીમના કેપ્ટનને હવે કયો બેટ્સમેન સ્ટ્રાઈક પર રહેશે તે નક્કી કરવા માટે કહેશે. આ પછી, સ્કોર અપડેટ કરશે.
ઈન્જરી રિપ્લેસમેન્ટ અંગે પણ નિયમો બનાવવામાં આવ્યા છે
BCCI એ ફિલ્ડિંગ દરમિયાન ગંભીર ઈજાના કિસ્સામાં પ્લેઈંગ 11 માં ખેલાડીને બદલવાનો વિકલ્પ આપ્યો છે. આ નિયમ બહુ-દિવસીય મેચોમાં લાગુ કરવામાં આવશે. જ્યારે આંતરરાષ્ટ્રીય ક્રિકેટમાં, જ્યારે કોઈ ખેલાડીને માથા પર બોલ વાગે છે, ત્યારે ફક્ત કન્કશન સબસ્ટિટ્યુટ ઉપલબ્ધ હોય છે.


 

(1:26 PM IST)