નવી દિલ્હી: આંતરરાષ્ટ્રીય ક્રિકેટ કાઉન્સિલ (ICC) દ્વારા જાહેર કરવામાં આવેલી નવીનતમ ODI રેન્કિંગ્સમાં ભારતીય બેટ્સમેનોનો દબદબો યથાવત છે. ટોપ-૫માં ત્રણ ભારતીય ખેલાડીઓએ સ્થાન જાળવી રાખ્યું છે. શુભમન ગિલ (૭૮૪ પોઈન્ટ) અને રોહિત શર્મા (૭૫૬ પોઈન્ટ) અનુક્રમે પહેલા અને બીજા સ્થાને છે. જોકે, પાકિસ્તાનનો બાબર આઝમ (૭૩૯ પોઈન્ટ) ત્રીજા સ્થાને છે અને ભારતના દિગ્ગજ ખેલાડી *વિરાટ કોહલી (૭૩૬ પોઈન્ટ)*થી આગળ નીકળી ગયો છે, જે ચોથા સ્થાને છે. 
તાજેતરમાં દક્ષિણ આફ્રિકા સામેની શ્રેણીની છેલ્લી મેચમાં ઓસ્ટ્રેલિયાની રેકોર્ડ જીત બાદ તેમના ખેલાડીઓને રેન્કિંગમાં મોટો ફાયદો થયો છે. આ મેચમાં ટ્રેવિસ હેડ (૧૪૨), મિશેલ માર્શ (૧૦૦) અને કેમેરોન ગ્રીન (૧૧૮ અણનમ)એ સદી ફટકારી હતી.
ટ્રેવિસ હેડ: એક સ્થાનના સુધારા સાથે ૧૧મા સ્થાને.
મિશેલ માર્શ: ચાર સ્થાનના સુધારા સાથે ૪૪મા સ્થાને.
કેમેરોન ગ્રીન: ૪૦ સ્થાનની છલાંગ લગાવીને ૭૮મા સ્થાને. 
ભારતીય બોલરોમાં કુલદીપ યાદવ (૬૫૦ પોઈન્ટ) ત્રીજા અને રવીન્દ્ર જાડેજા (૬૧૬ પોઈન્ટ) નવમા સ્થાને છે. બોલરોના રેન્કિંગમાં શ્રીલંકાના સ્પિનર મહેશ થેકશાના ૬૭૧ પોઈન્ટ સાથે દક્ષિણ આફ્રિકાના સ્પિનર કેશવ મહારાજ સાથે સંયુક્ત રીતે ટોચ પર પહોંચી ગયો છે.
દક્ષિણ આફ્રિકાના બોલર લુંગી ન્ગીડીએ ઓસ્ટ્રેલિયા સામેની શ્રેણીમાં સાત વિકેટ લઈને છ સ્થાનનો સુધારો કર્યો અને ૨૮મા સ્થાને પહોંચી ગયો છે. ઓસ્ટ્રેલિયાના સીન એબોટ અને નાથન એલિસના રેન્કિંગમાં પણ નોંધપાત્ર સુધારો થયો છે