મુંબઈ : T20 આંતરરાષ્ટ્રીય ક્રિકેટમાં બેટિંગ અને બોલિંગ ઉપરાંત ફિલ્ડિંગ પણ મેચનો મોટો ભાગ ભજવે છે. એક શાનદાર કેચ મેચનું પરિણામ બદલી શકે છે. ચાલો જાણીએ T20 આંતરરાષ્ટ્રીય ક્રિકેટના ઇતિહાસમાં સૌથી વધુ કેચ પકડનાર ટોચના ખેલાડીઓ વિશે:

 
૧. ડેવિડ મિલર (દક્ષિણ આફ્રિકા) દક્ષિણ આફ્રિકાના વિસ્ફોટક બેટ્સમેન ડેવિડ મિલર આ યાદીમાં ટોચ પર છે. તેણે ૧૩૦ મેચોમાં કુલ ૮૧ કેચ પકડ્યા છે, જે તેને T20 આંતરરાષ્ટ્રીય ક્રિકેટનો સૌથી વિશ્વસનીય ફિલ્ડર બનાવે છે.

૨. મોહમ્મદ નબી (અફઘાનિસ્તાન) અફઘાનિસ્તાનના અનુભવી ઓલરાઉન્ડર મોહમ્મદ નબી બીજા ક્રમે છે. તેણે ૧૩૨ મેચોમાં ૭૩ કેચ પકડ્યા છે.

૩. માર્ટિન ગુપ્ટિલ (ન્યુઝીલેન્ડ) ન્યુઝીલેન્ડના વિસ્ફોટક ઓપનર માર્ટિન ગુપ્ટિલ ત્રીજા સ્થાને છે. તેણે ૧૨૨ મેચોમાં ૬૮ કેચ પકડ્યા છે.

૪. ટિમ સાઉથી (ન્યુઝીલેન્ડ), જ્યોર્જ ડોકરેલ (આયર્લેન્ડ), અને રોહિત શર્મા (ભારત) આ ત્રણેય ખેલાડીઓ ૬૫ કેચ સાથે સંયુક્તપણે ચોથા સ્થાને છે. ન્યુઝીલેન્ડના ફાસ્ટ બોલર ટિમ સાઉથીએ ૧૨૬ મેચમાં આ આંકડો હાંસલ કર્યો છે. આયર્લેન્ડના ઓલરાઉન્ડર જ્યોર્જ ડોકરેલએ ૧૪૫ મેચમાં ૬૫ કેચ પકડ્યા છે. ભારતીય કેપ્ટન રોહિત શર્માએ ૧૫૯ મેચોમાં આ સિદ્ધિ મેળવી છે.