નવી દિલ્‍હીઃ એશિયા કપ ૨૦૨૫માં પાકિસ્‍તાન પર ભારતની શાનદાર જીત બાદ ભારતીય ક્રિકેટ કંટ્રોલ બોર્ડે (BCCI) ભારતીય ટીમ માટે ૨૧ કરોડ રૂપિયાની ઈનામી રકમની જાહેરાત કરી છે. આ રકમ ખેલાડીઓ અને સપોર્ટ સ્‍ટાફમાં વહેંચવામાં આવશે. BCCIએ સોશિયલ મીડિયા પ્‍લેટફોર્મ X પર આ અંગે જાહેરાત કરી છે.

ટાઇટલ મેચમાં પાકિસ્‍તાની ઓપનરો સાહિબજાદા ફરહાન અને ફખર ઝમાનને મજબૂત શરૂઆત મળી. તેમણે સાથે મળીને ૯.૪ ઓવરમાં ૮૪ રનની મોટી ભાગીદારી કરી. જો કે, આ ભાગીદારી તૂટી ગયા પછી, પાકિસ્‍તાની ટીમ પોતાનો રસ્‍તો ભૂલી ગઈ અને સંપૂર્ણ ૨૦ ઓવર પૂર્ણ કરવામાં નિષ્‍ફળ ગઈ. ભારત માટે કુલદીપ યાદવે ચાર વિકેટ લીધી, જ્‍યારે જસપ્રીત બુમરાહ, વરુણ ચક્રવર્તી અને અક્ષર પટેલે બે-બે વિકેટ લીધી.

ઉલ્‍લેખનીય છે કે, ભારતીય ટીમે એશિયા કપ ૨૦૨૫માં સાત મેચ રમી હતી, જે બધી જીતી હતી. તેમણે ત્રણ વખત પાકિસ્‍તાનને હરાવ્‍યું હતું. તેમણે યુએઈ, ઓમાન, શ્રીલંકા અને બાંગ્‍લાદેશ સામે પણ મેચ જીતી હતી. શ્રીલંકા સામેની મેચ સૌથી રોમાંચક હતી, જેમાં સૂર્યા બ્રિગેડનો સુપર ઓવરમાં વિજય થયો હતો.(