તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
ટીમ ઇન્ડીયાનો મોટો વિજય : ત્રીજા દિવસે વેસ્ટ ઇન્ડીઝે શરણાગતી સ્વીકારી : જાડેજાનું ઓલરાઉન્ડ પ્રદર્શન
વિન્ડીઝની ટીમ બીજા દાવમાં માત્ર ૧૪૬ રનમાં જ ઓલઆઉટ : બીજો ટેસ્ટ દિલ્હીમાં ૧૦ મીથી રમાશે
અમદાવાદ, તા., ૪: ભારત અને વેસ્ટ ઈન્ડિઝ વચ્ચે બે મેચની ટેસ્ટ શ્રેણીનો પહેલો મેચ અમદાવાદના નરેન્દ્ર મોદી સ્ટેડિયમ ખાતે રમાયો હતો. આ મેચમાં, ભારતીય ટીમે મોટી ઇનિંગ અને ૧૪૦ રનથી વિજય મેળવ્યો. રમતના આજે ત્રીજા દિવસે લંચ પછી વેસ્ટ ઈન્ડિઝનો બીજો દાવ ૧૪૬ રનમાં સમેટાઈ ગયો. આ મેચમાં ભારત માટે રવિન્દ્ર જાડેજાએ ઓલરાઉન્ડ પ્રદર્શન કર્યું. સદી ફટકારવા ઉપરાંત, તેણે બીજી ઇનિંગમાં ચાર વિકેટ લીધી હતી.
આ મેચમાં, ભારતીય ટીમે તેની પહેલી ઇનિંગ ૫ વિકેટે ૪૪૮ રન પર ડિકલેર કરી હતી. ભારતીય ટીમે પ્રથમ ઇનિંગના આધારે ૨૮૬ રનની લીડ મેળવી હતી. વેસ્ટ ઇન્ડીઝનો પહેલો દાવ ૧૬૨ રનમાં ઓલઆઉટ થઈ ગયો હતો. બંને ટીમો વચ્ચે શ્રેણીની બીજી અને અંતિમ ટેસ્ટ મેચ ૧૦ ઓક્ટોબરથી દિલ્હીના અરુણ જેટલી સ્ટેડિયમ ખાતે રમાશે.
વેસ્ટ ઇન્ડીઝના બેટ્સમેનોનું પ્રદર્શન પણ બીજી ઇનિંગમાં નિરાશાજનક રહ્યું. રવિન્દ્ર જાડેજાએ જોન કેમ્પબેલ (૧૪ રન), બ્રાન્ડન કિંગ (૫ રન) અને શાઈ હોપ (૧ રન) ને આઉટ કર્યા. મોહમ્મદ સિરાજે તેજનારાયણ ચંદ્રપોલ (૮ રન) ને આઉટ કર્યા. ચાઇનામેન કુલદીપ યાદવે કેપ્ટન રોસ્ટન ચેઝ (૧ રન) ને સસ્તામાં આઉટ કર્યા. પાંચ વિકેટ પડ્યા પછી, એલિક એથાનાસે (૩૮ રન) અને જસ્ટિન ગ્રીવ્સ (૨૫ રન) એ ૪૬ રનની ભાગીદારી કરી. આ ભાગીદારી તૂટયા પછી, ભારતનો વિજય માત્ર ઔપચારિકતા બની ગયો. રવિન્દ્ર જાડેજાએ બીજી ઇનિંગમાં ચાર વિકેટ લીધી, જ્યારે મોહમ્મદ સિરાજે ત્રણ વિકેટ લીધી. કુલદીપ યાદવે બે વિકેટ લીધી, અને વોશિંગ્ટન સુંદરે એક વિકેટ લીધી.
(3:59 PM IST)
છેલ્લા 8 દિવસમાં સૌથી લોકપ્રિય 
