પર્થઃ ભારત અને ઓસ્ટ્રેલિયા વચ્ચે ત્રણ મેચની વનડે શ્રેણીની પહેલી મેચ આજે  પર્થના ઓપ્ટસ સ્ટેડિયમ ખાતે રમાઈ રહી છે. ભારતે ટોસ હારીને પહેલા બેટિંગ કરવાનો નિર્ણય લીધો. ભારતે ૨૬ ઓવરમાં ૯ વિકેટે ૧૩૬ રન બનાવ્યા. જોકે. ડીએલએસ નિયમ હેઠળ, ઓસ્ટ્રેલિયાને જીતવા માટે ફક્ત ૧૩૧ રન બનાવવા પડશે.

ભારત અને ઓસ્ટ્રેલિયા વચ્ચે ત્રણ મેચની વનડે શ્રેણીની પહેલી મેચ આજે (૧૯ ઓક્ટોબર) પર્થના ઓપ્ટસ સ્ટેડિયમ ખાતે રમાઈ રહી છે. ભારત ટોસ હારી ગયું છે અને પહેલા બેટિંગ કરી રહ્યું છે. ભારતનો સ્કોર ૧૮ ઓવર પછી ૬૫ રન છે અને ચાર વિકેટ પડી છે. અક્ષર પટેલ અને કેએલ રાહુલ અણનમ બેટ્સમેન છે. વરસાદને કારણે મેચ ૨૬-૨૬ ઓવરની કરવામાં આવી છે.

શુભમન ગિલનો કેપ્ટન તરીકે આ પહેલો વનડે છે . પેટ કમિન્સની ગેરહાજરીમાં મિશેલ માર્શ ઓસ્ટ્રેલિયન ટીમનું નેતૃત્વ કરી રહ્યા છે. આ મેચમાં બે ભારતીય અનુભવી ખેલાડીઓ, વિરાટ કોહલી અને રોહિત શર્મા પણ મેદાનમાં પાછા ફર્યા છે.

ભારતીય ટીમની શરૂઆત ખરાબ રહી હતી. ચોથી ઓવરમાં તેમનો પહેલો ઝટકો લાગ્યો, જ્યારે તેમનો સ્કોર 13 રન હતો. રોહિત શર્મા બીજા સ્લિપમાં જોશ હેઝલવુડના બોલ પર મેથ્યુ રેનશોના હાથે કેચ આઉટ થયો. રોહિતે 14 બોલમાં 8 રન બનાવ્યા, જેમાં એક ફોરનો પણ સમાવેશ થાય છે. ત્યારબાદ, ફાસ્ટ બોલર મિશેલ સ્ટાર્કે ભારતને બીજો ઝટકો આપ્યો જ્યારે તેણે વિરાટ કોહલીને બેકવર્ડ પોઈન્ટ પર કૂપર કોનોલીના હાથે કેચ આઉટ કરાવ્યો. કોહલી આઠ બોલનો સામનો કરી રહ્યો હતો અને ખાતું ખોલવામાં નિષ્ફળ રહ્યો. આ દરમિયાન, કેપ્ટન શુભમન ગિલ (10 રન) ને નાથન એલિસ દ્વારા આઉટ કરવામાં આવ્યો. લાંબા વરસાદના વિક્ષેપ પછી રમત ફરી શરૂ થઈ ત્યારે જોશ હેઝલવુડે શ્રેયસ ઐયર (11 રન) ને આઉટ કર્યો.

વિકેટો પતન: ૧-૧૩ (રોહિત શર્મા, ૩.૪ ઓવર), ૨-૨૧ (વિરાટ કોહલી, ૬.૧ ઓવર), ૩-૨૫ (શુભમન ગિલ, ૮.૧ ઓવર), ૪-૪૫ (શ્રેયસ ઐયર, ૧૩.૨ ઓવર)

વન-ડે આંતરરાષ્ટ્રીય મેચોમાં ઓસ્ટ્રેલિયા ભારત સામે ટોચ પર છે. બંને ટીમો વચ્ચે ૧૫૨ વન-ડે રમાઈ છે. આ સમયગાળા દરમિયાન, કાંગારૂઓએ ૮૪ મેચ જીતી છે, જ્યારે ભારતીય ટીમે ૫૮ મેચ જીતી છે. દસ મેચનું કોઈ પરિણામ આવ્યું નથી. પર્થના ઓપ્ટસ સ્ટેડિયમ ખાતે ભારતનો આ પહેલો વન-ડે મેચ છે. બીજી તરફ, ઓસ્ટ્રેલિયાએ આ મેદાન પર અગાઉ ત્રણ વન-ડે રમી છે, જે બધીમાં હારનો સામનો કરવો પડ્યો છે.