નવી દિલ્‍હીઃ ભારત અને ઓસ્‍ટ્રેલિયા વચ્‍ચે ત્રણ મેચની વનડે સીરિઝની બીજી મેચ ૨૩ ઓક્‍ટોબર, ગુરુવારના રોજ એડિલેડ ક્રિકેટ ગ્રાઉન્‍ડ ખાતે રમાશે. આ મેચ ભારતીય સમય મુજબ સવારે ૯  વાગ્‍યે શરૂ થશે.

ઓસ્‍ટ્રેલિયાના એડિલેડ ઓવલની વાત કરીએ તો, ભારતીય ટીમનો અહીં ખૂબ જ સારો વનડે રેકોર્ડ છે. અત્‍યાર સુધી ભારતે અહીં ૧૫ મેચ રમી છે, જેમાં ૯ જીતી છે અને ૫ હારનો સામનો કરવો પડ્‍યો છે. શ્રીલંકા સામેની એક મેચ પણ ટાઇ રહી હતી. આ મેદાન પર ભારત અને ઓસ્‍ટ્રેલિયા વચ્‍ચે રમાયેલી છ મેચમાંથી ભારતે બે જીતી છે અને ચાર હારનો સામનો કરવો પડ્‍યો છે. ઓસ્‍ટ્રેલિયાએ ૨૦૨૦માં ભારત અને ઓસ્‍ટ્રેલિયા વચ્‍ચે રમાયેલી વન-ડે સીરિઝ જીતી હતી. ૨૦૧૯ માં, ભારતે દ્યરઆંગણે ઓસ્‍ટ્રેલિયાને હરાવ્‍યું હતું.

જો ભારતીય ક્રિકેટ ટીમ ઓસ્‍ટ્રેલિયા સામે વન-ડે સીરિઝમાં ટકી રહેવા માગે છે, તો તેણે ૨૩ ઓક્‍ટોબરે એડિલેડમાં મેચ જીતવી પડશે. તે પછી જ તેઓ સીરિઝ ૧-૧ થી બરાબર કરશે. આ પછી, ભારત ૨૫ ઓક્‍ટોબરે સિડની ક્રિકેટ ગ્રાઉન્‍ડ પર ઓસ્‍ટ્રેલિયા સામે તેની અંતિમ મેચ રમશે.