નવી દિલ્‍હીઃ ટીમ ઇન્‍ડિયાના બૅટ્‍સમૅન શ્રેયસ ઐયરે ઈન્‍જરીમાંથી સ્‍વસ્‍થ થયા બાદ ઇન્‍સ્‍ટાગ્રામ સ્‍ટોરી પર પોતાનો પહેલો ફોટો શેર કર્યો છે. ફોટોમાં શ્રેયસ સિડનીના બીચ પર એક અન્‍ય વ્‍યક્‍તિ સાથે બેસેલો જોવા મળ્‍યો હતો. તેણે સ્‍ટોરીમાં લખ્‍યું હતું. ‘સૂરજ એક ખૂબ સારી થેરપી જેવો છે. પ્રેમ અને સંભાળ બદલ સૌનો આભાર'. સિડનીમાં ઑસ્‍ટ્રેલિયા સામેની ત્રીજી વન-ડે દરમ્‍યાન ઐયર બરોળમાં ઈન્‍જરીને કારણે જીવલેણ પરિસ્‍થિતિમાં મુકાઈ ગયો હતો. નિષ્‍ણાતોની સલાહ બાદ મુંબઈનો આ સ્‍ટાર બેટર સિડનીથી ભારત પાછો આવશે.