નવી દિલ્‍હીઃ વિરાટ કોહલી બીસીસીઆઈની ઘરેલુ ૫૦ ઓવરની ટુર્નામેન્‍ટ, વિજય હજારે ટ્રોફીમાં રમવા માટે સંમત થયો છે. તેમણે વ્‍યક્‍તિગત રીતે ડીડીસીએને ફોન કરીને તેમની ઉપલબ્‍ધતાની જાણ કરી હતી. ડીડીસીએના પ્રમુખ રોહન જેટલીએ પણ આ વાતની પુષ્ટિ કરી છે. કોહલી ૧૫ વર્ષ પછી વિજય હજારે ટ્રોફીમાં રમશે. છેલ્‍લે ૨૦૧૯માં આ ટુર્નામેન્‍ટમાં રમ્‍યા હતા. તેઓ દિલ્‍હી તરફથી રમશે.

આ વર્ષની વિજય હજારે ટ્રોફી ૨૪ ડિસેમ્‍બરથી ૧૮ જાન્‍યુઆરી વચ્‍ચે રમાશે. અહેવાલો સૂચવે છે કે કોહલી બે મેચ રમી શકે છે, જે બંને બેંગલુરુના એમ. ચિન્નાસ્‍વામી ક્રિકેટ સ્‍ટેડિયમમાં રમાશે. જોકે, ચાહકો માટે ખરાબ સમાચાર એ છે કે તેમને પ્રવેશ આપવામાં આવશે નહીં. આ મેચો દર્શકો વિના યોજાશે.