નવી દિલ્‍હી : આઇસીસી દ્વારા જાહેર કરવામાં આવેલી નવી રેન્‍કિંગમાં ભરતીય ખેલાડીઓનો જોરદાર દબદબો જોવા મળ્‍યો છે. ટેસ્‍ટ, વનડે અને ટી૨૦ ત્રણેય ફોર્મેટમાં થઇને કુલ પાંચ ભારતીય ખેલાડી ઓ વિશ્વમાં પહેલા ક્રમે છે. જોકે, ટીમ ઇન્‍ડિયાના ટી૨૦ કેપ્‍ટન સૂર્યકુમાર યાદવને મોટો ઝટકો લાગ્‍યો છે. તે લાંબા સમય પછી ટી૨૦ રેન્‍કિંગમાં ટોચના ૧૦માંથી બહાર થઇ ગયો છે.

ભારતીય ખેલાડીઓએ બેટિંગ અને ઓલરાઉન્‍ડર એમ ત્રણેય વિભાગમાં ટોચનું સ્‍થાન મેળવ્‍યું છે. રોહિત શર્મા વનડે બેટર નં. ૧, અભિષેક શર્મા ટી૨૦ બેટર નં.૧, જસપ્રીત બુમરાહ ટેસ્‍ટ બોલર નં. ૧, વરૂણ ચક્રવર્તી ટી૨૦ બોલર નં. ૧, રવિન્‍દ્ર જાડેજા ટેસ્‍ટ ઓલરાઉન્‍ડર  નં. ૧.