અમદાવાદ: ભારતીય ટીમે નરેન્દ્ર મોદી સ્ટેડિયમમાં ઈતિહાસ રચીને સતત બીજી વખત T20 વર્લ્ડ કપનું ટાઇટલ પોતાના નામે કર્યું છે. આ ઐતિહાસિક જીતમાં ડાબોડી બેટ્સમેન ઈશાન કિશને માત્ર ૨૭ વર્ષની ઉંમરે ફાઈનલમાં ઝંઝાવાતી અડધી સદી ફટકારીને ભારતને મજબૂત સ્થિતિમાં મૂક્યું હતું. જોકે, ઈશાનની આ ઈનિંગ જેટલી જ ચર્ચા સ્ટેડિયમમાં તેને ઉત્સાહિત કરી રહેલી તેની ગર્લફ્રેન્ડ અદિતિ હુંડિયાની થઈ રહી છે.
કોણ છે અદિતિ હુંડિયા?
અદિતિ હુંડિયા માત્ર એક 'ક્રિકેટરની ગર્લફ્રેન્ડ' નથી, પરંતુ ગ્લેમર જગતનું એક જાણીતું નામ છે. તે મોડલિંગ ક્ષેત્રે મોટું નામ ધરાવે છે અને વર્ષ ૨૦૧૭માં ફેમિના મિસ ઈન્ડિયા રાજસ્થાનનો તાજ પણ જીતી ચૂકી છે. આ ઉપરાંત, ૨૦૧૮માં તે 'મિસ સુપરનેશનલ ઈન્ડિયા' તરીકે પણ પસંદ થઈ હતી. સોશિયલ મીડિયા પર તેની લોકપ્રિયતા એવી છે કે 'ઉરી' જેવી બ્લોકબસ્ટર ફિલ્મ આપનાર ધુરંધર ડિરેક્ટર આદિત્ય ધર પણ તેને ફોલો કરે છે.
મેદાન પર ખેંચ્યું સૌનું ધ્યાન
વર્લ્ડ કપની ફાઈનલ મેચ દરમિયાન અદિતિ ભારતીય ખેલાડીઓના ફેમિલી બોક્સમાં હાજર હતી. જ્યારે ઈશાન મેદાન પર રનનો વરસાદ કરી રહ્યો હતો, ત્યારે અદિતિના રિએક્શન્સે કેમેરામેન અને પ્રેક્ષકોનું ધ્યાન પોતાની તરફ ખેંચ્યું હતું. ઈશાન અને અદિતિ ઘણા સમયથી રિલેશનશિપમાં હોવાની ચર્ચાઓ છે અને અવારનવાર સોશિયલ મીડિયા પર એકબીજાની પોસ્ટ પર કોમેન્ટ્સ પણ કરતા રહે છે.
સોશિયલ મીડિયા સેન્સેશન
અદિતિ હુંડિયા સોશિયલ મીડિયા પર અત્યંત સક્રિય છે અને તેની સ્ટાઈલિશ તસવીરો ચાહકોમાં વાયરલ થતી રહે છે. તેની ફેશન સેન્સ અને ગ્લેમરસ લૂકના કારણે તે માત્ર ક્રિકેટ ચાહકોમાં જ નહીં, પરંતુ બોલિવૂડ વર્તુળોમાં પણ જાણીતી છે. ઈશાન કિશનની સફળતા પાછળ તેને મજબૂત સપોર્ટ કરનાર અદિતિ હવે ભારતીય ક્રિકેટની નવી 'નેશનલ ક્રશ' બની રહી હોય તેમ લાગે છે.