લંડન/બેંગલુરુ:IPL 2026 ના મહાકુંભ પહેલા ક્રિકેટના મેદાન પર ગરમાવો વધી રહ્યો છે, ત્યારે રોયલ ચેલેન્જર્સ બેંગલુરુના સુપરસ્ટાર અને રન મશીન વિરાટ કોહલીએ પોતાની આગવી સ્ટાઈલથી ચાહકોના દિલ જીતી લીધા છે. ૨૮ માર્ચથી શરૂ થનારી IPL સીઝનમાં પોતાની ટીમના ટાઈટલને બચાવવા માટે મેદાને ઉતરતા પહેલા વિરાટ કોહલી લંડનમાં તૈયારીઓને આખરી ઓપ આપી રહ્યો છે. માત્ર બેટિંગની પ્રેક્ટિસ જ નહીં, પરંતુ મેદાનમાં ઉતરતા પહેલા વિરાટે તેના લુકમાં પણ ખાસ ફેરફાર કર્યો છે. કોહલીએ પોતાની જાણીતી અદામાં એકદમ લેટેસ્ટ અને આકર્ષક હેરસ્ટાઈલ કરાવી છે, જેના ફોટા અને વીડિયો હાલ સોશિયલ મીડિયા પર ધૂમ મચાવી રહ્યા છે.

લંડનના પ્રખ્યાત 'ધ બાર્બર ક્લબ' સલોનમાં વિરાટ કોહલીએ પોતાની આ નવી હેરસ્ટાઈલ તૈયાર કરાવી છે. પ્રખ્યાત સેલિબ્રિટી હેરસ્ટાઈલિસ્ટ જોર્ડન ટબેકમૅને વિરાટના આ નવા લુકનો એક ખાસ વીડિયો પોતાના સોશિયલ મીડિયા એકાઉન્ટ પર શેર કર્યો છે, જેમાં વિરાટનો નવો અંદાજ સ્પષ્ટપણે જોઈ શકાય છે. પોતાના સ્ટાઈલિશ અને મજબૂત વ્યક્તિત્વ માટે જાણીતા કોહલીનો આ નવો લુક તેના ફેન્સ માટે એક મોટું સરપ્રાઈઝ છે. હંમેશા પોતાની ફિટનેસ અને લુક માટે સજાગ રહેતા વિરાટે આ વખતે પણ મેદાનમાં ઉતરતા પહેલા સ્ટાઈલની બાબતમાં કોઈ કસર છોડી નથી.

IPL ઇતિહાસમાં અત્યાર સુધીમાં સૌથી વધુ ૮૬૬૧ રન બનાવવાનો વિક્રમ ધરાવતા વિરાટ કોહલી પર આ વખતે પણ આરસીબીની નૈયા પાર લગાવવાની મોટી જવાબદારી છે. ૨૮ માર્ચથી શરૂ થનારી ટૂર્નામેન્ટમાં જ્યારે વિરાટ બેટિંગ કરવા માટે ઉતરશે, ત્યારે તેની નવી હેરસ્ટાઈલ અને તેનો આત્મવિશ્વાસ મેદાન પર જોવા જેવો હશે. વિરાટના ચાહકો માની રહ્યા છે કે આ નવી હેરસ્ટાઈલ તેના માટે લકી સાબિત થશે અને તે ફરી એકવાર જૂના ફોર્મમાં જોવા મળશે. ટાઈટલને ડિફેન્ડ કરવાની તૈયારીમાં રહેલી આરસીબીની ટીમ અને વિરાટ કોહલી બંને માટે આ સીઝન અત્યંત નિર્ણાયક બની રહેશે.

વિરાટ કોહલીનો આ નવો લુક માત્ર સ્ટાઈલ નથી, પરંતુ મેદાનમાં તેના આત્મવિશ્વાસને પ્રતિબિંબિત કરે છે. ક્રિકેટની સાથે સાથે ગ્લેમરની દુનિયામાં પણ વિરાટનું સ્થાન અજોડ છે, અને આ નવી હેરસ્ટાઈલ તેનું વધુ એક ઉદાહરણ છે. હવે સમગ્ર ભારતની નજર વિરાટના બેટ પર છે, જે પોતાની નવી હેરસ્ટાઈલ સાથે મેદાન પર રનોની રમઝટ બોલાવવા માટે તૈયાર છે. ચાહકોમાં અત્યારથી જ ઉત્સાહ જોવા મળી રહ્યો છે અને સૌ કોઈ આશા રાખી રહ્યા છે કે ૨૦૨૬ની આ IPL સીઝન વિરાટ અને તેની ટીમ આરસીબી માટે યાદગાર બની રહેશે.