--   

ભારતીય ક્રિકેટ ટીમના ડેશિંગ ઓપનર અને યુવા સેન્સેશન શુભમન ગિલે હવે મુંબઈના અત્યંત પોશ અને મોંઘા ગણાતા જુહુ વિસ્તારમાં પોતાનું સપનાનું આશિયાનું ખરીદ્યું છે. રિપોર્ટ્સ મુજબ, ગિલે ૨૦.૭ કરોડ રૂપિયાની માતબર રકમ ચૂકવીને એક આલીશાન લક્ઝરી ઘર પોતાના નામે કર્યું છે.
મુંબઈનો જુહુ વિસ્તાર એવો છે જ્યાં અમિતાભ બચ્ચન, અક્ષય કુમાર અને વિરાટ કોહલી જેવા અનેક બોલિવૂડ અને ક્રિકેટ જગતના દિગ્ગજોના નિવાસસ્થાન આવેલા છે. હવે શુભમન ગિલ પણ મુંબઈની આ વીઆઈપી ક્લબમાં સત્તાવાર રીતે સામેલ થઈ ગયા છે.
આ ઘર અત્યાધુનિક સુવિધાઓ, જિમ અને શાનદાર સી-વ્યુ ધરાવતું હોવાનું મનાય છે. ક્રિકેટના મેદાન પર પોતાની બેટિંગથી ધૂમ મચાવનાર ગિલનું રિયલ એસ્ટેટમાં આ મોટું રોકાણ તેમની વધતી નેટવર્થ અને બ્રાન્ડ વેલ્યુ દર્શાવે છે