તા. ૧૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૩ ગુરૂવાર
યશસ્વી-વૈભવના વાવાઝોડામાં મુંબઈ ‘સ્તબ્ધ': રાજસ્થાન રોયલ્સની જીતની હેટ્રિક
સૂર્યવંશી અને જયસ્વાલની વિસ્ફોટક બેટિંગના જોરે રાજસ્થાનનો ૨૭ રને શાનદાર વિજયઃ મુંબઈ ઇન્ડિયન્સનું નબળું પ્રદર્શન યથાવત
મુંબઇઃ આઈપીએલની વર્તમાન સીઝનમાં રાજસ્થાન રોયલ્સનો વિજયરથ અટકવાનું નામ નથી લઈ રહ્યો. મુંબઈના વાનખેડે સ્ટેડિયમ ખાતે રમાયેલી રોમાંચક મેચમાં રાજસ્થાન રોયલ્સે યશસ્વી જયસ્વાલ અને યુવા સનસની વૈભવ સૂર્યવંશીની તોફાની બેટિગના જોરે મુંબઈ ઇન્ડિયન્સને ૨૭ રને પરાજય આપ્યો છે. આ જીત સાથે રાજસ્થાને ટૂર્નામેન્ટમાં સતત ત્રીજી જીત મેળવી પોઈન્ટ ટેબલમાં પોતાનું વર્ચસ્વ જાળવી રાખ્યું છે.
મેચની શરૂઆતથી જ રાજસ્થાનના ઓપનરોએ આક્રમક વલણ અપનાવ્યું હતું. ખાસ કરીને યશસ્વી જયસ્વાલે અનુભવી બોલરોની લાઇન અને લેન્થ બગાડી નાખી હતી, જ્યારે બીજી તરફ વૈભવ સૂર્યવંશીએ પણ પોતાની પ્રતિભાનો પરિચય આપતા મુંબઈના બોલરો પર આકરા પ્રહારો કર્યા હતા. આ બંને બેટ્સમેનોની ફટકાબાજીને કારણે રાજસ્થાને મુંબઈ સામે એક વિશાળ સ્કોર ખડકી દીધો હતો. મુંબઈના બોલરો પાસે આ જોડીની વિસ્ફોટક ઇનિગનો કોઈ જવાબ નહોતો.
વિશાળ લક્ષ્યાંકનો પીછો કરવા ઉતરેલી મુંબઈ ઇન્ડિયન્સની શરૂઆત નબળી રહી હતી. મધ્યમ ઓવરોમાં બેટ્સમેનોએ સ્થિતિ સંભાળવાનો પ્રયાસ કર્યો હતો, પરંતુ રાજસ્થાનના શિસ્તબદ્ધ બોલિગ આક્રમણ અને સચોટ ફિલ્ડિંગ સામે મુંબઈના ખેલાડીઓ લાચાર જણાતા હતા. મુંબઈની ટીમ નિર્ધારિત ઓવરોમાં લક્ષ્ય સુધી પહોંચી શકી નહોતી અને અંતે ૨૭ રનથી હારનો સામનો કરવો પડ્યો હતો. રાજસ્થાનની આ સતત ત્રીજી જીતે ફેન્સમાં ભારે ઉત્સાહ ભરી દીધો છે, જ્યારે ઘરઆંગણે હાર્યા બાદ મુંબઈ માટે હવે આગામી મેચોમાં વાપસી કરવી પડકારજનક બની રહેશે.
(3:24 PM IST)
છેલ્લા 8 દિવસમાં સૌથી લોકપ્રિય 
