ભારતીય A ક્રિકેટ ટીમ હાલમાં શ્રીલંકામાં ત્રણ દેશોની શ્રેણીમાં ભાગ લઈ રહી છે. તિલક વર્માના નેતૃત્વમાં ટીમનું પ્રદર્શન નિરાશાજનક રહ્યું છે. ભારતે પહેલી મેચમાં શ્રીલંકાને હરાવ્યું હતું, પરંતુ બીજી મેચમાં અફઘાનિસ્તાન સામે હારી ગયું હતું. ત્યારબાદ ત્રીજી મેચ ટાઇ થઈ હતી, પરંતુ ભારતીય ટીમ સુપર ઓવરમાં હારી ગઈ હતી. દરમિયાન ટીમમાં એક ફેરફાર કરવામાં આવ્યો છે. અશોક શર્માને ટીમમાં સામેલ કરવામાં આવ્યો છે, જ્યારે યુધવીર સિંહને બહાર કરવામાં આવ્યો છે.

BCCI એ શ્રેણી મધ્યમાં ભારતીય A ટીમની ટીમમાં એક ફેરફાર કર્યો છે. BCCI એ જાહેરાત કરી કે પસંદગી સમિતિએ શ્રીલંકામાં ચાલી રહેલી ટ્રાઇ સીરીઝ માટે યુધવીર સિંહની જગ્યાએ અશોક શર્માને ભારત A ટીમમાં સામેલ કર્યા છે. ૧૩ જૂને બોલિંગ કરતી વખતે યુધવીરે જમણા ખભામાં તકલીફની ફરિયાદ કરી હતી અને ૧૧ જૂને ફિલ્ડિંગ સેશન દરમિયાન પણ આવી જ પીડા અનુભવાઈ હતી.

વધુ વિગતો આપતાં, બીસીસીઆઈએ જણાવ્યું હતું કે તબીબી ટીમે નિષ્ણાત સાથે પરામર્શ કર્યા પછી, યુધવીરને જમણા રોટેટર કફની ઈજામાંથી સંપૂર્ણપણે સ્વસ્થ થવા માટે સેન્ટર ઓફ એક્સેલન્સની દેખરેખ હેઠળ ગ્રેજ્યુએટેડ રિહેબિલિટેશન પ્રોગ્રામમાંથી પસાર થવાની ભલામણ કરી હતી.

ટ્રાઇ સીરીઝ માટે અપડેટ કરાયેલ ભારત એ ટીમ: તિલક વર્મા (કેપ્ટન), રુતુરાજ ગાયકવાડ (ઉપ-કેપ્ટન), પ્રિયાંશ આર્ય, વૈભવ સૂર્યવંશી, આયુષ બદોની, નિશાંત સિંધુ, સૂર્યાંશ શેડગે, પ્રભસિમરન સિંહ (વિકેટકીપર), કુમાર કુશાગ્ર (વિકેટકીપર), વિપ્રજ નિગમ, યશ ઠાકુર, અંશુલ કંબોજ, અરશદ ખાન, અનુકુલ રોય, અશોક શર્મા.