તિરુવનંતપુરમ : કેરળ ક્રિકેટ લીગ (KCL) ની ત્રીજી સીઝન શરૂ થાય તે પહેલા જ સોશિયલ મીડિયા પર ચાહકોનો ઉત્સાહ ચરમસીમાએ પહોંચ્યો છે. મલયાલમ સિનેમાના લેજેન્ડરી સુપરસ્ટાર મોહનલાલ અને ભારતીય ક્રિકેટ ટીમના સ્ટાર વિકેટકીપર-બેટ્સમેન સંજુ સેમસન કેસીએલ સીઝન ૩ ના એક ધમાકેદાર પ્રમોશનલ વિડીયોમાં એકસાથે જોવા મળ્યા છે. સિનેમા અને ક્રિકેટના આ અણધાર્યા મહાસંગમે સમગ્ર દક્ષિણ ભારતમાં ભારે સનસનાટી મચાવી દીધી છે.

સિનેમા અને ક્રિકેટનો અદભુત જુગલબંધી:

કેરળના બે સૌથી મોટા આઇકોન્સને એક જ સ્ક્રીન પર લાવનારો આ પ્રોમો વિડીયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. સંજુ સેમસન જ્યાં ભારતીય ક્રિકેટમાં કેરળના વધતા પ્રભાવ અને યુવા જોશનું પ્રતિનિધિત્વ કરે છે, તો બીજી તરફ મોહનલાલ તેમના ભવ્ય ગ્લેમર અને લોકપ્રિયતાથી આ લીગમાં ચાર ચાંદ લગાવી રહ્યા છે. આ ઝુંબેશનો મુખ્ય હેતુ કેરળ ક્રિકેટ લીગની પહોંચ માત્ર રમતપ્રેમીઓ સુધી જ નહીં પરંતુ સિનેમાના ચાહકો સુધી પણ પહોંચાડવાનો છે.

૨૦ ઓગસ્ટથી કેસીએલ સીઝન ૩ નો પ્રારંભ:

કેરળ ક્રિકેટ લીગની ત્રીજી આવૃત્તિનો ભવ્ય પ્રારંભ ૨૦ ઓગસ્ટના રોજ તિરુવનંતપુરમના સુપ્રસિદ્ધ ગ્રીનફિલ્ડ ઇન્ટરનેશનલ સ્ટેડિયમ ખાતે થવા જઈ રહ્યો છે. આ ટુર્નામેન્ટમાં રાજ્યની શ્રેષ્ઠ ક્રિકેટ પ્રતિભાઓ વચ્ચે જોરદાર ટક્કર જોવા મળશે. કેરળના સ્થાનિક ખેલાડીઓને મોટું પ્લેટફોર્મ પૂરું પાડતી આ લીગમાં સંજુ સેમસનની સક્રિય ભાગીદારી અને મોહનલાલના સહયોગથી આ સીઝન અત્યાર સુધીની સૌથી સફળ સીઝન બનવાની અપેક્ષા સેવાઈ રહી છે.