ભારતીય ટીમ હાલમાં શ્રીલંકા સામે ટેસ્ટ શ્રેણી રમી રહી છે. આ પછી તરત જ, તેઓ ઘરઆંગણે સૌથી ટૂંકા ફોર્મેટમાં અફઘાનિસ્તાનનો સામનો કરવા માટે તૈયાર રહેશે. ત્રણ મેચની T20 શ્રેણી 13 થી 17 સપ્ટેમ્બર દરમિયાન નવી દિલ્હીના અરુણ જેટલી ક્રિકેટ સ્ટેડિયમ ખાતે રમાશે. આજે અફઘાનિસ્તાન ટીમની જાહેરાત કરવામાં આવી હતી.

   અફઘાનિસ્તાને ભારત સામેની ત્રણ મેચની T20 શ્રેણી માટે પોતાની ટીમની જાહેરાત કરી છે. ખાસ વાત એ છે કે શ્રેણીની તમામ મેચ દિલ્હીના અરુણ જેટલી સ્ટેડિયમમાં રમાશે. આ શ્રેણીનું યજમાન અફઘાનિસ્તાન છે અને DDCAએ અરુણ જેટલી સ્ટેડિયમને તેના હોમ ગ્રાઉન્ડ તરીકે આપ્યું છે. એટલે કે ભારત પોતાની જ ધરતી પર અફઘાનિસ્તાનના હોમ ટીમ તરીકે સામનો કરશે

   આ શ્રેણી ઈબ્રાહીમ ઝદરાન માટે પણ ખાસ રહેશે. તે પહેલીવાર અફઘાનિસ્તાનની T20I ટીમના પૂર્ણકાલીન કેપ્ટન તરીકે જવાબદારી સંભાળશે. વિકેટકીપર બેટ્સમેન રહેમાનુલ્લા ગુરબાઝ, રશીદ ખાન, મોહમ્મદ નબી અને અઝમતુલ્લા ઉમરઝાઈ જેવા અનુભવી ખેલાડીઓને પણ ટીમમાં સ્થાન મળ્યું છે.

કોહલી સાથે લડનાર સ્ટાર ઝડપી બોલર નવીન-ઉલ-હકની પણ ટીમમાં વાપસી થઈ છે. ઈજાના કારણે તે અગાઉ કેટલીક મહત્વની T20I મેચોમાં રમી શક્યો નહોતો. તેની વાપસીથી અફઘાનિસ્તાનનું ઝડપી બોલિંગ આક્રમણ વધુ મજબૂત બનશે. ટીમ શ્રેણી પહેલાં ભારત આવીને અંતિમ તૈયારી અને તાલીમ શિબિરમાં ભાગ લેશે.

T20 શ્રેણી માટે અફઘાનિસ્તાનની ટીમ

ઈબ્રાહીમ ઝદરાન (કેપ્ટન), રહેમાનુલ્લા ગુરબાઝ (વિકેટકીપર), સેદીકુલ્લાહ અટલ, દરવેશ રસૂલી, અઝમતુલ્લા ઉમરઝાઈ, ગુલબદ્દીન નાયબ, નૂર રહેમાન, મોહમ્મદ નબી, રશીદ ખાન, નંગ્યાલ ખરોતી, મુજીબ ઉર રહેમાન, નૂર અહમદ, ફઝલહક ફારુકી, અબ્દુલ્લાહ અહેમદ શાહ, અબ્દુલ્લાહ અહેમદ શાહ- રહેમાન

રિઝર્વ ખેલાડીઓ: કમાલ, ફરીદ અહમદ મલિક, ઈજાઝ અહમદઝાઈ

T20 શ્રેણીનું શેડ્યૂલ

પ્રથમ T20I: રવિવાર, 13 સપ્ટેમ્બર, 2026 સાંજે 7:00 વાગ્યે (દિલ્હી).

બીજી T20I: મંગળવાર, 15 સપ્ટેમ્બર, 2026 સાંજે 7:00 વાગ્યે (દિલ્હી).

ત્રીજો T20I: ગુરુવાર, 17 સપ્ટેમ્બર, 2026 સાંજે 7:00 વાગ્યે (દિલ્હી).