બેંગલુરુ, તા.૧૬: ભારત અને વેસ્ટ ઈન્ડિઝ વચ્ચેની પાંચમેચોની T20I શ્રેણી હાલમાં ૨-૨થી બરાબરી પર પહોંચી ગઈછે, ત્યારે શનિવારે બેંગલુરુના એમ.ચિન્નાસ્વામી સ્ટેડિયમ ખાતે રમાનારી પાંચમી અને આખરી નિર્ણાયક મેચ પહેલા યુવાભારતીય બેટ્સમેન વૈભવ સૂર્યવંશીને પ્લેઈંગ ઈલેવનમાં સ્થાન આપવા અંગે ક્રિકેટવર્તુળોમાં જોરદાર ચર્ચા શરૂ થઈ છે. ચાર મેચોથી ટીમની બહાર બેઠેલા આ વિસ્ફોટકબેટ્સમેનને ફાઇનલ મેચમાં તક આપવા બાબતે ભારતીય ટીમના ભૂતપૂર્વ સહાયક કોચ અભિષેકનાયરે પોતાનું મહત્વનું નિવેદન આપ્યું છે. તેમણે સ્પષ્ટ કર્યું છે કે જો ટીમમેનેજમેન્ટ વૈભવને સમાવવા માંગતું હોય તો તેને ફક્ત ઓપનર તરીકે જ મેદાનમાં ઉતારવોજોઈએ. અભિષેક નાયરેસ્પષ્ટતા કરતા જણાવ્યું હતું કે, વૈભવ સૂર્યવંશીનીકુદરતી રમત ઓપનિંગ પોઝિશન પર જ ખીલે છે, જેથી તેના બેટિંગ ક્રમ સાથે કોઈ પણ જાતના ચેડાં કરવા યોગ્યરહેશે નહીં. તેમણે ઉમેર્યું કે બેંગલુરુના નાના અને બેટિંગ-ફ્રેન્ડલી સ્ટેડિયમમાંયુવા બેટ્સમેનને રમતા જોવો રોમાંચક રહેશે, પરંતુ ટીમે પોતાના મિડલ ઓર્ડરના સંયોજનને ખોરવ્યા વગર માત્રબેટિંગ ઓર્ડર જાળવી રાખીને જ તેને તક આપવી જોઈએ. મહત્વનું છે કે, શ્રેણીની ગત મેચમાં વેસ્ટ ઈન્ડિઝ સામેભારતનો ૨૪ રને પરાજય થયો હતો. આ સિરીઝમાં ભારતીય ઓપનિંગ જોડી અભિષેક શર્મા અનેસંજુ સેમસનનું પ્રદર્શન ઉતાર-ચઢાવવાળું રહ્યું છે. ચાર મેચોમાં આ જોડીએ ૨૯, ૪૨, ૭ અને ૬૦ રનની ભાગીદારી કરી છે. સંજુ સેમસને આ શ્રેણીમાં૧૫૨ રન અને અભિષેક શર્માએ ૧૩૯ રન બનાવ્યા છે, પરંતુ પાવરપ્લે દરમિયાન સાતત્યપૂર્ણ શરૂઆતનો અભાવ ટીમ માટેચિંતાનો વિષય બન્યો છે. ભારતીય ટીમમાંઅન્ય ફેરફારો અંગે વાત કરીએ તો, ઝડપી બોલર અર્શદીપસિંહ ઈજાના કારણે શ્રેણીમાંથી બહાર થઈ ગયો છે, જેના સ્થાને અનુભવી ફાસ્ટ બોલર ભુવનેશ્વર કુમારને ટીમમાંસામેલ કરવામાં આવ્યો છે. અભિષેક નાયરના મતે નિર્ણાયક મેચ માટે ભારતીય ટીમના બેટિંગયુનિટ કરતાં બોલિંગ આક્રમણમાં ફેરફાર થવાની શક્યતા વધુ દેખાઈ રહી છે. હાલમાં બંને દેશોવચ્ચેની આ T20I શ્રેણી અત્યંત રોમાંચક મોડ પર આવી પહોંચીછે. ભારત માટે ટોચના ક્રમના બેટ્સમેનોનું પાવરપ્લેમાં પ્રદર્શન અને મિડલ ઓર્ડરનીસ્થિરતા વિજય માટે ચાવીરૂપ સાબિત થશે. ચોથી મેચમાં મિડલ ઓર્ડર તૂટી પડવાના કારણેભારતે મેચ ગુમાવવી પડી હતી, જેથી અંતિમ મેચમાં કેપ્ટન અને મેનેજમેન્ટચોક્કસ વ્યૂહરચના સાથે મેદાનમાં ઉતરશે. અંતમાં, શનિવારે રમાનારી આ શ્વાસ અધ્ધર કરતીફાઇનલ મેચમાં ભારતીય ટીમ વૈભવ સૂર્યવંશીને ઓપનર તરીકે અજમાવે છે કે પછી જૂના સંયોજનસાથે જ મેદાનમાં ઉતરે છે તેના પર તમામ પ્રશંસકોની નજર ટકેલી છે. બેંગલુરુની આનિર્ણાયક લડાઈમાં વિજેતા બનનારી ટીમ શ્રેણીની ટ્રોફી પોતાના નામે કરશે.