નિશિન, તા. ૧: એશિયન ગેમ્‍સ-૨૦૨૬ની પુરુષ ક્રિકેટ સ્‍પર્ધામાં ભારતે શ્રીલંકાને સેમિફાઇનલમાં ૧૨૪ રને હરાવીને ફાઇનલમાં ધમાકેદાર પ્રવેશ કર્યો છે. હવે ગોલ્‍ડ મેડલ માટે ભારતનો મુકાબલો પાકિસ્‍તાન સામે થશે. બંને ટીમો વચ્‍ચેનો ફાઇનલ મુકાબલો શનિવાર, ૩ ઓક્‍ટોબરે જાપાનના નિશિન સ્‍થિત કોરોગી સ્‍પોર્ટ્‍સ પાર્કમાં રમાશે. ભારતીય સમય અનુસાર મેચ સવારે ૧૦ વાગ્‍યે શરૂ થવાની છે.

ભારતે પ્રથમ બેટિંગ કરતાં ૨૦ ઓવરમાં ૭ વિકેટે ૧૬૯ રનનો પડકારજનક સ્‍કોર ઊભો કર્યો હતો. ઇશાન કિશને શાનદાર બેટિંગ કરતાં માત્ર ૪૬ બોલમાં અણનમ ૮૦ રન ફટકાર્યા હતા, જ્‍યારે વૈભવ સૂર્યવંશીએ ૩૮ રનની ઉપયોગી ઇનિંગ રમી હતી.  ૧૭૦ રનના લક્ષ્યાંકનો પીછો કરવા ઉતરેલી શ્રીલંકાની ટીમ ભારતીય બોલિંગ સામે ટકી શકી નહોતી અને માત્ર ૪૫ રનમાં ઓલઆઉટ થઈ ગઈ હતી. જસપ્રીત બુમરાહ, અક્ષર પટેલ અને અભિષેક શર્માએ બે-બે વિકેટ ઝડપી ભારતની જીતનો માર્ગ સરળ બનાવ્‍યો હતો.

હવે એશિયન ગેમ્‍સના ક્રિકેટમાં સોનાના ચંદ્રક માટે ભારત અને પાકિસ્‍તાન આમને-સામને થશે. પાકિસ્‍તાને પણ સેમિફાઇનલમાં જીત મેળવી ફાઇનલમાં સ્‍થાન નિﾍતિ કર્યું છે. ૩ ઓક્‍ટોબરે ભારત-પાકિસ્‍તાનની ટક્કરમાં એશિયન ગેમ્‍સના ગોલ્‍ડ મેડલનો ફેંસલો થશે.