નવી દિલ્હી તા.૧૩ : IPL 2026માં સ્લો ઓવર-રેટનો નિયમ કેપ્ટનો માટે માથાનો દુખાવો બન્યો છે. સનરાઈઝર્સ હૈદરાબાદના કેપ્ટન પેટ કમિન્સ આ સિઝનમાં દંડ ભરનાર સાતમા કેપ્ટન બન્યા છે. ગુજરાત ટાઇટન્સ સામેની મેચમાં સ્લો ઓવર-રેટ બદલ BCCIએ કમિન્સને રૂ. 12 લાખનો દંડ ફટકાર્યો છે. 0eed

 

 

કમિન્સને કેમ થયો દંડ?

 

 

મેચ નં. 56માં અમદાવાદના નરેન્દ્ર મોદી સ્ટેડિયમ ખાતે SRH અને GT વચ્ચે મુકાબલો થયો હતો. GTના 168/5ના જવાબમાં SRH માત્ર 86 રનમાં ઓલઆઉટ થઈ 82 રનથી હારી ગઈ. મેચ માત્ર 34.5 ઓવરમાં પૂરી થઈ હોવા છતાં SRHએ પ્રથમ ઈનિંગની 18 ઓવર પેસથી નાખવા માટે 1 કલાક 51 મિનિટ લીધી હતી. IPLના આર્ટિકલ 2.22 મુજબ આ ટીમનો સિઝનનો પહેલો ગુનો હોવાથી કેપ્ટન તરીકે કમિન્સને રૂ. 12 લાખનો દંડ થયો. 

 

કયા કયા કેપ્ટનો ભરપાઈ કરી ચૂક્યા છે દંડ?

 

 

આ સિઝનમાં કમિન્સ પહેલા 6 કેપ્ટનોને સ્લો ઓવર-રેટ બદલ દંડ થઈ ચૂક્યો છે. શ્રેયસ અય્યર એકમાત્ર કેપ્ટન છે જેને બે વાર સજા થઈ છે.

 

 

 

IPL 2026માં સ્લો ઓવર-રેટ માટે દંડ પામેલા કેપ્ટનોની યાદી:

 

 

 

**કેપ્ટન** **ટીમ** **ગુનો** **દંડ** **મેચ**

શ્રેયસ અય્યર પંજાબ કિંગ્સ પહેલો ગુનો ₹12 લાખ vs GT

શ્રેયસ અય્યર પંજાબ કિંગ્સ બીજો ગુનો ₹24 લાખ vs CSK

શુભમન ગિલ ગુજરાત ટાઇટન્સ પહેલો ગુનો ₹12 લાખ vs DC

રુતુરાજ ગાયકવાડ ચેન્નાઈ સુપર કિંગ્સ પહેલો ગુનો ₹12 લાખ vs DC

હાર્દિક પંડ્યા મુંબઈ ઈન્ડિયન્સ પહેલો ગુનો ₹12 લાખ vs RCB

અજિંક્ય રહાણે કોલકાતા નાઈટ રાઈડર્સ પહેલો ગુનો ₹12 લાખ vs CSK

અક્ષર પટેલ દિલ્હી કેપિટલ્સ પહેલો ગુનો ₹12 લાખ vs PBKS

પેટ કમિન્સ સનરાઈઝર્સ હૈદરાબાદ પહેલો ગુનો ₹12 લાખ vs GT

 

 

નિયમ શું કહે છે?

 

 

IPLની આચાર સંહિતા મુજબ પહેલા ગુના માટે કેપ્ટનને ₹12 લાખનો દંડ થાય છે. બીજા ગુના પર ₹24 લાખ અને ત્રીજા ગુના પર ₹30 લાખ દંડ સાથે કેપ્ટન પર એક મેચનો પ્રતિબંધ લાગી શકે છે. કમિન્સ ઈજામાંથી પરત ફર્યા બાદ SRHનું નેતૃત્વ કરી રહ્યા છે. તેમની ગેરહાજરીમાં ઈશાન કિશને ટીમ સંભાળી હતી, પરંતુ તે દરમિયાન એક પણ વાર સ્લો ઓવર-રેટનો દંડ થયો ન હતો.