આજે વડાપ્રધાન નરેન્‍દ્રભાઇ મોદીનો જન્‍મદિવસ છે. આ શુભ પ્રસંગે તેમની રાજકીય કારકિર્દી પર નજર નાખવી અત્‍યંત રસપ્રદ બની રહે છે. તેમની સંપૂર્ણ સફર અભૂતપૂર્વ અને વિશિષ્ટ રહી છે. ભારતીય રાજકારણમાં તેમણે એક નવો જ ઇતિહાસ રચ્‍યો છે. તેમની આ યાત્રા સરળ નહોતી. દરેક વળાંક પર તેમને સખત વિરોધનો સામનો કરવો પડ્‍યો છે. પરંતુ દરેક વિરોધમાંથી તેઓ વધુ શક્‍તિશાળી બનીને બહાર આવ્‍યા છે.

મુખ્‍યમંત્રી તરીકે વર્ષ ૨૦૦૧માં શાસન સંભાળ્‍યા પછી તુરંત જ ૨૦૦૨નો દર્દનાક ગોધરાકાંડ થયો. આ ઘટના બાદ તેમની સામે ભયાવહ અને સતત વિરોધ શરૂ થયો. રાષ્‍ટ્રીય અને આંતરરાષ્‍ટ્રીય માધ્‍યમોએ તેમની વિરુદ્ધ મોટો માહોલ ઊભો કર્યો. વિપક્ષી દળોએ તેમને ઘેરવા માટે તમામ તાકાત લગાવી દીધી. આટલા તીવ્ર દબાણ છતાં તેઓ ડગ્‍યા નહીં. તેમણે આ પડકારને જ પોતાની રાજકીય મજબૂતી બનાવી દીધી. જનતાના વિશ્વાસને તેમણે પોતાની આસપાસ એક મજબૂત કવચ તરીકે સ્‍થાપિત કર્યો.

સમય સાથે તેમના વિરોધીઓના ચહેરા બદલાતા રહ્યા. રાષ્‍ટ્રીય રાજકારણમાં રાહુલ ગાંધી અને આખું વિપક્ષી ગઠબંધન તેમની સામે સતત આક્રમક રહ્યું. આંતરરાષ્‍ટ્રીય ક્ષેત્રે પણ તેમને અનેક આર્થિક તથા રાજદ્વારી દબાણોનો સામનો કરવો પડ્‍યો. તાજેતરમાં વૈશ્વિક વેપાર ક્ષેત્રે અમેરિકાના પૂર્વ પ્રમુખ ડોનાલ્‍ડ ટ્રમ્‍પ સાથે ટેરિફ નીતિઓ મુદ્દે તીવ્ર મતભેદો ઊભા થયા. પરંતુ મોદીજીએ કયારેય રાષ્‍ટ્રીય હિત સાથે સમજૂતી ન કરી. રાહુલ ગાંધીથી લઈને ટ્રમ્‍પ સુધીના તમામ વિરોધીઓ સામે તેઓ વધુ દ્રઢ નિﾍય સાથે ઊભા રહ્યા. વિરોધીઓ નીતિઓ ઘડવામાં થાકતા ગયા અને ચૂંટણીઓમાં હારતા ગયા, જ્‍યારે મોદીજીની લોકપ્રિયતા અને રાજકીય શક્‍તિ સતત વધતી ગઈ.

 આ ચમત્‍કાર જેવી રાજનીતિ પાછળ અનેક લોકો અને વિશ્‍લેષકો એક અલૌકિક ઊર્જા કામ કરી રહી હોવાનું માને છે. અવિરત ૧૮ કલાક કાર્ય કરવાની તેમની અદ્વુત શારીરિક અને માનસિક ક્ષમતા સૌને આﾍુર્યચકિત કરે છે. ભારે તણાવ વચ્‍ચે પણ તેમની શાંતિ અને નિર્ણયશક્‍તિ અકબંધ રહે છે.

મોદીજીનું વ્‍યક્‍તિત્‍વ અત્‍યંત રહસ્‍યમય અને પ્રભાવશાળી છે. યુવાનીમાં હિમાલયમાં વિતાવેલો સાધનાનો સમય અને ત્‍યારબાદ એક સામાન્‍ય કાર્યકર્તામાંથી વિશ્વના સૌથી લોકપ્રિય નેતા બનવાની તેમની સફર આ રહસ્‍યને વધુ ઘનઘોર બનાવે છે. વિરોધીઓના દરેક પ્રહારને પોતાના વિજયની સાધનમાં બદલી નાખવાની તેમની કળા અજોડ છે.

ગુજરાતના મુખ્‍યમંત્રીથી શરૂ થયેલી તેમની આ યાત્રા આજે વિશ્વના ટોચના નેતા તરીકે પ્રસ્‍થાપિત થઈ છે. મોદીજીની આ કારકિર્દી સાબિત કરે છે કે સતત વિરોધ જ સાચા નેતળત્‍વને વધુ નીખારે છે અને મજબૂત બનાવે છે. ભુતકાળમાં મોદીજીના વિરોધમાં બેફામ બનેલા અનેક નેતાઓ શરણાગતભાવ સાથે મોદીજી સાથે રહેવા મજબૂર બન્‍યા છે. અનેક વિરોધીઓની રાજનીતિના ફિંડલાવળી ગયા છે. દિવ્‍ય ઉર્જાના બળે મોદીજી રાષ્‍ટ્રને વધારે ગૌરવ અપાવે તેવી શુભેચ્‍છા. (૩.૨)