Gujarati News

મુંબઈ: આયુષ શર્માના દાદા અને પૂર્વ રાજકારણી પંડિત સુખ રામ શર્માનું બુધવારે નિધન થયું છે. આયુષે પોતે ઈન્સ્ટાગ્રામ પર આ માહિતી આપી છે. તમને જણાવી દઈએ કે પંડિત સુખ રામ શર્માને બ્રેઈન સ્ટ્રોક આવ્યો હતો અને તેમની દિલ્હીમાં સારવાર ચાલી રહી હતી. તેઓ 94 વર્ષના હતા અને 1993-1996 સુધી કેન્દ્રીય સંચાર રાજ્ય મંત્રી હતા. આયુષે ઈન્સ્ટાગ્રામ પર લખ્યું કે, “ભારે હૃદય સાથે મેં આજે મારા દાદા પંડિત સુખ રામ શર્માને ગુમાવ્યા છે. હું જાણું છું કે તમે હંમેશા મારી સાથે હશો, મને માર્ગદર્શન આપશો અને તમારા આશીર્વાદ હંમેશા મારી સાથે રહેશે. તમારા આત્માને શાંતિ મળે. તમને હંમેશા યાદ કરવામાં આવશે.