Gujarati News

Gujarati News

News of Friday, 25th September 2020

દસ કિલો વજન ઉતારવા અચરરે કરી અનહદ મહેનત

ચંદીગઢનો કલાકાર અચરર ભારદ્વાજ લોકડાઉનની લાંબી રજા પર વતનમાં જતો રહ્યો હતો. સતત ઘરે રહેવાને કારણે તેનું વજન પણ વધી ગયું હતું. હાલમાં તે દંગલના ટીવી શો એ મેરે હમસફરમાં લખન કોઠારીનો રોલ નિભાવી રહ્યો છે. આ પાત્ર માટે તેને પોતાના બોડીને ફિટ બનાવવાની ખુબ જરૂર હતી. કારણ કે લખનનું પાત્ર પણ એવું છે જે ટીના ફિલીપ દ્વરા નિભાવાયેલા વિધી શર્માના પાત્રની જેમ જ આઇએએસ બનવા મહેનત કરે છે. 

લખનના પાત્ર માટે અચરરને મુંબઇ આવે એ પહેલાના ત્રીસ દિવસની અંદર પોતાનું દસ કિલો વજન ઉતારવાનો પડકાર મળ્યો હતો. તેણે આ પડકાર સ્વીકારી લીધો હતો અને ભોજન સહિતના નિયમોનું પાલન કરી જીમમાં પરસેવો વહાવવાનું નક્કી કર્યુ હતું. પણ જીમ બંધ હોવાથી તેણે સાઇકલ ચલાવવાનું શરૂ કર્યુ હતું. ખેતી પણ કરીને ખુબ પરસેવો વહાવ્યો હતો. અચરર કહે છે મારા બીજા પાત્રો કરતાં લખનનું પાત્ર તદ્દન જુદુ હોઇ મને આ મહેનત લેખે લાગી છે.

(10:31 am IST)
  • દેશમાં કોરોનાના કહેર વચ્ચે 47 લાખથી વધુ દર્દીઓ રિકવર થયા : રાત્રે 8 વાગ્યા સુધીમાં વધુ 28,775 દર્દીઓ સ્વસ્થ થતા કુલ 27,00,625 રિકવર થયા access_time 8:25 pm IST

  • અભૂતપૂર્વ ઘટના!! : ઉત્તર કોરીયાના તાનાશાહ કીમ જોંગ-ઉને દક્ષિણ કોરીયાની માફી માગી :દક્ષિણ કોરીયાના ઓફીસરની હત્યા કરવા માટે એક અભૂતપૂર્વ ઘટનામાં ઉત્તર કોરીયાના સરમુખત્યાર કીમ જોંગ-ઉને દક્ષિણ કોરીયાની માફી માગી હોવાનું દક્ષિણ કોરીયાના રાષ્ટ્રપતિની ઓફીસે જાહેર કર્યું છે. દ. કોરીયાએ કહેલ કે ૪૭ વર્ષનો વ્યકિત ઉત્તર કોરીયા જવા માગતો હતો ત્યારે તેને ફુંકી મારવામાં આવેલ. ઉત્તર કોરીયાએ પોતાના રાષ્ટ્રમાં કોરોના આવતો અટકાવવા માટે 'શુટ ટુ કીલ'ની નીતી અપનાવી છે. દ.કોરીયાના રાષ્ટ્રપતિ મુનને પત્ર પાઠવી કીમ-જોંગ ઉને માફી માગી લખ્યુ છે કે આવુ બનવુ જોઇતુ ન હતુ. ઉ-કોરીયાએ વિગતો જાહેર કરતા લખ્યુ છે કે આ વ્યકિત ઉપર ૧૦ શોટફાયર કરાયેલા. access_time 2:32 pm IST

  • યસ બેંકના રાણા કપૂરનો લંડન સ્થિત 127 કરોડ રૂપિયાનો ફ્લેટ ED દ્વારા જપ્ત : રાણા કપૂર આ ફ્લેટ વેચી નાખવાની તૈયારીમાં હોવાનું જાણવા મળતા તાત્કાલિક પગલું લીધું access_time 8:46 pm IST