Gujarati News

Gujarati News

News of Tuesday, 4th May 2021

સુરતમાં નવી સિવિલ હોસ્પિટલમાંથી દર્દીના નામે ઇન્જેકશન મંગાવાતા હતા પરંતુ દર્દીને અપાતા ન હતાઃ સાંઇદીપ હોસ્પિટલમાં ડમી ગ્રાહક મોકલીને કૌભાંડનો પર્દાફાશ

સુરત: સુરતમાં નકલી રેમડેસિવિર અને ઈન્જેક્શન ની કાળાબજોરીએ હાહાકાર મચાવ્યો છે. એક પછી એક કૌભાંડો ખૂલી રહ્યાં છે. ત્યારે હવે કાળાબજોરીનું વધુ એક કૌભાંડ ખૂલ્યું છે. પોલીસે સુરતની સાંઈદીપ હોસ્પિટલમાં ડમી ગ્રાહક મોકલીને સમગ્ર ઓપરેશન પાર પાડ્યું છે.

સુરતમાં રેમડેસિવિર ઈન્જેક્શનની કાળા બજોરી સામે આવી છે. સાંઈદીપ હોસ્પિટલના મેનેજર સહિત ત્રણની ધરપકડ કરવામાં આવી છે. ભેસ્તાનમા આવેલી આ હોસ્પિટલમાં ચાલતા કાળાબજોરીના ખેલનો પર્દાફાશ થયો છે. પોલીસે હોસ્પિટલમાં ડમી ગ્રાહક મોકલી સમગ્ર ઓપરેશન પાર પાડ્યું હતું. નવી સિવિલ હોસ્પિટલમાંથી દર્દીના નામે ઈન્જેક્શન મંગાવ્યા હતા. પરંતુ સાંઈદીપ હોસ્પિટલમાં દાખલ દર્દીને ઈન્જેક્શન આપવામાં આવ્યુ ન હતું. હોસ્પિટલે દર્દીને ઈન્જેક્શન ન આપીને પોતાની પાસે ઈન્જેક્શન રાખ્યું હતું. ત્યારે હોસ્પિટલમાંથી 8 રેમડેસિવિર ઇન્જેક્શન પોલીસે કબજે કર્યા છે.

સાથે જ પોલીસ પૂછપરછમાં ખૂલ્યું કે, 1300 રૂપિયાની કિંમતનું રેમડેસિવિર ઇન્જેક્શન હોસ્પિટલ દ્વારા 18 હજોર રૂપિયામાં વેચવામાં આવતુ હતું. ખટોદરા પોલીસે હોસ્પિટલમાંથી ત્રણની ધરપકડ કરીને આગળની કાર્યવાહી હાથ ધરી છે.

ઉલ્લેખનીય છે કે, સુરતમાંથી તાજેતરમાં જ નકલી રેમડેસિવિરનું મસમોટું કૌભાંડ પકડાયુ છે. સુરતના ઓલપાડના પિંજરત ગામના એક ફાર્મ હાઉસમાંથી મોરબી પોલીસ, અમદાવાદ ક્રાઇમ બ્રાન્ચ અને સુરત ક્રાઇમ બ્રાન્ચની ટીમે મોટી માત્રામાં નકલી રેમડેસિવિર બનાવવાનું કારખાનું ઝડપી લીધું હતું અને મોટા જથ્થાનો કબ્જો લીધો હતો. મોરબીમાંથી નકલી રેમડેસિવિર ઇંજેક્શન પકડ્યા બાદ તેની તપાસનો રેલો અમદાવાદના જુહાપુરા અને તે પછી સુરતના ઓલપાડ તાલુકાના પિંજરત ગામના એક ફાર્મ હાઉસ સુધી પહોંચ્યો હતો. પોલીસે ત્યાં દરોડો પાડ્યો તો, નકલી રેમડેસિવિર ઇંજેક્શન બનાવવાનું કારખાનું જ મળી આવ્યું હતું. ગ્લુકોઝના પાણીમાં મીઠું નાખી નકલી રેમડેસીવીર ઇન્જેક્શન બનાવવામાં આવતા હતા. પોલીસે મોટી માત્રામાં નકલી ઇંજેક્શનનો જથ્થો, સ્ટીકર, બોટલો, ગ્લુકોઝ પાવડરની બેગો અને કાર, મોબાઈલ, ફોન, લેપટોપ, વજન કાંટા મળી કુલ રૂપિયા 2.73 કરોડ કબ્જે લીધા હતા.

(4:55 pm IST)
  • મુંબઈમાં ડ્રાઈવ - થ્રુ વેકસીનેશન શરૃઃ સીનીયર સીટીઝનો માટે સુવિધા : દેશભરમાં સંભવતઃ પ્રથમ પ્રયોગ : ઉદ્ધવ સરકારે સીનીયર સીટીઝનો માટે ખાસ સુવિધા શરૂ કરી છે. સીનીયર સીટીઝને પોતાના વાહનમાં જ દાદર (પેસ્ટ) ખાતે ખાસ સુવિધા ઉભી કરી છે ત્યાં જવાનું મોટરની નીચે પણ નહિં ઉતરવાનું બીએમસી દ્વારા વાહનમાં જ કોરોના વેકસીન આપવામાં આવે છે. રોજના ૫૦૦૦ વેકસીનેશનની સુવિધા છે. દેશભરમાં ડ્રાઈવ - ઈન વેકસીનેશન સેવા સંભવતઃ પ્રથમ વખત મહારાષ્ટ્રમાં શરૂ થઈ છે. access_time 12:49 pm IST

  • પુડુચેરીમાં ડખ્ખા શરૂ :૬ સભ્યો જ હોવા છતાં ભાજપ મુ.મંત્રી પદ માગે છે : પ્રથમ દિવસે જ પુડુચેરીમાં ભાજપ અને સ્થાનિક પક્ષો વચ્ચે ડખ્ખો શરૃઃ પુડુચેરીમાં સ્થાનિક પક્ષો સાથે જોડાણ કરી ભાજપ સત્તા પર આવી રહ્યો છે ત્યારે સત્તાની વહેંચણી બાબતે પ્રથમ ગ્રાસે મક્ષિકા જેવું થયું છે. ભાજપે માત્ર ૬ ધારાસભ્યો સાથે મુખ્યમંત્રીપદ માગતા ભાજપના મોરચામાં મતભેદો સર્જાયા છે. (ન્યુઝ ફર્સ્ટ) access_time 3:19 pm IST

  • મુખ્યમંત્રીના અગ્ર મુખ્યસચિવ કે.કૈલાસનાથનને કોરોના : ગુજરાતના પીઢ આઈઍઍસ અધિકારી અને મુખ્યમંત્રીશ્રીના અગ્રસચિવ કે.કૈલાસનાથન કોરોના સંક્રમિત થયા છે : હાલ હોમ આઈસોલેશનમાં સારવાર ચાલી રહી હોવાનું જાણવા મળે છે access_time 2:21 pm IST