Gujarati News

Gujarati News

News of Tuesday, 4th May 2021

અમદાવાદ મનપાએ એક કરોડના ખર્ચે 13 કિલોલિટરની ક્ષમતાનો ઓક્સીઝન પ્લાન્ટ બનાવ્યો

બહેરામપુરામાં ઉભા કરાયેલા ઓક્સિજન પ્લાન્ટથી દૈનિક 1,000થી 1,200 નંગ સિલિન્ડર રિફિલ કરી શકાશે.

અમદાવાદ: અમદાવાદ શહેરમાં કોરોનાના કેસ વધતા ઓક્સિજનની માંગ વધી છે પણ જરૂરિયાત સામે પૂરતો જથ્થો મળી રહ્યાંની ફરિયાદો છે પણ અમદાવાદ મ્યુનિ. કોર્પોરેશન દ્વારા ટૂંકાગાળામાં રૂ.1 કરોડના ખર્ચે 13 કિલો લિટરની ક્ષમતાનો ઓક્સિજન પ્લાન્ટ બનાવી દેવાયો છે. આજે ગૃહમંત્રી પ્રદીપસિંહ જાડેજાએ આ પ્લાન્ટનું લોકાર્પણ કર્યું હતું. બહેરામપુરા ખાતે ઉભા કરાયેલા ઓક્સિજન પ્લાન્ટથી દૈનિક 1,000થી 1,200 નંગ સિલિન્ડર રિફિલ કરી શકાશે.

 અમદાવાદ મ્યુનિ.એ સરકારી તથા ખાનગી હોસ્પિટલની ઓક્સિજનની જરૂરિયાતને પૂર્ણ કરવા માટે બહેરામપુરાની ચેપી રોગ હોસ્પિટલ પરિસરમાં 13 કિલો લીટરની ક્ષમતાવાળી ટેન્ક લગાવી રીફીલિંગ પ્લાન્ટ શરૂ કરી દેવાયો છે. આ ઓક્સિજન પ્લાન્ટ માટે જરૂરી ઈન્ફ્રાસ્ટ્રક્ચર તથા સિવિલ અને ઇજનેરી કામ કરાયું છે જેમાં મુખ્યત્વે સિવિલ, મિકેનિકલ, ઇલેક્ટ્રિકલ કામમાં ટેન્કનું ફાઉન્ડેશન, રીફીલિંગ માટે પ્લેટફોર્મ બનાવવામાં આવ્યું છે. જેની પાછળ એક કરોડનો ખર્ચ થયો છે. એક સાથે 60 સિલિન્ડર રીફીલિંગ કરી શકાશે. દરરોજ 1000થી 1200 સિલિન્ડર રીફીલિંગ કરી શકાશે. આજ કમ્પાઉન્ડમાં INOX કંપનીનો 20 કિલો લિટરની ક્ષમતાનો પ્લાન્ટ ઉભો કરવાની કામગીરી પ્રગતિમાં છે, જેની પાછળ રૂ.1.25 કરોડનો ખર્ચ થશે. આ પ્લાન્ટમાં દૈનિક 1500 સિલિન્ડર રીફીલિંગ કરી શકાશે

(11:36 pm IST)
  • પાંચમીએ ભાજપના મોટા પાયે રાષ્ટ્રવ્યાપી ધરણા પૂર્વે આવતીકાલે ૪ મે થી બે દિવસની પશ્ચિમ બંગાળની મુલાકાતે જે.પી.નડ્ડા દોડયા : ચૂંટણીઓ પુરી થયા પછી પશ્ચિમ બંગાળમાં વ્યાપક હિંસા અને તોફાનોના પગલે ભારતીય જનતા પક્ષના રાષ્ટ્રીય પ્રમુખ જે પી નડ્ડા મંગળવારથી પશ્ચિમ બંગાળની બે દિવસની મુલાકાતે જઇ રહ્યાનું જાણવા મળે છે. access_time 12:06 am IST

  • હિંસા કેમ થાય છે ? મમતાની સરકાર પાસે મોદી સરકારે રિપોર્ટ મગાવ્યો :ચૂંટણી પછીની શરૂ થયેલ હિંસા અંગે પશ્ચિમ બંગાળ સરકાર પાસે રિપોર્ટ મંગાવતી કેન્દ્ર સરકારઃચૂંટણી પરિણામો બાદ પશ્ચિમ બંગાળમા ઠેર ઠેર થઈ રહેલા તોફાનો મુદ્દે કેન્દ્રીય ગૃહ મંત્રાલયએ રાજ્ય સરકાર પાસે રિપોર્ટ મંગાવ્યો છે. access_time 3:18 pm IST

  • મુખ્યમંત્રીના અગ્ર મુખ્યસચિવ કે.કૈલાસનાથનને કોરોના : ગુજરાતના પીઢ આઈઍઍસ અધિકારી અને મુખ્યમંત્રીશ્રીના અગ્રસચિવ કે.કૈલાસનાથન કોરોના સંક્રમિત થયા છે : હાલ હોમ આઈસોલેશનમાં સારવાર ચાલી રહી હોવાનું જાણવા મળે છે access_time 2:21 pm IST