Gujarati News

ગુજરાતના ગૃહ રાજ્ય મંત્રી હર્ષ સંઘવી આજે પોતાના મત વિસ્તાર મજુરા ગેટ, સુરત ખાતે ઉપસ્થિત રહ્યા હતા. રાજ્યભરમાં શાંતી અને અનુશાશન માટે સતત કાર્યશીલ રહેતા હર્ષ સંઘવી આજે પોતાના મતવિસ્તારના લોકપ્રશ્નો અને રજુઆતો સાંભળવા સીટી લાઈટ ખાતેના કાર્યાલય પર રૂબરુ હાજર રહ્યા હતા.
વિવિધ અરજીઓ સાથે આજે કુલ ૧૫૪ પ્રશ્નો મંત્રી સમક્ષ રજુ થયા હતા જેમાંથી મોટા ભાગના પ્રશ્નોનો સ્થળ પર જ નિકાલ થાય તેવા હેતુથી જે તે રજુઆત સંદર્ભે અધિકરીઓ સાથે વાત કરી, લોકોના પ્રશ્નોનો સ્થળ પર જ નિકાલ કર્યો હતો. હર્ષ સંઘવીના મતવિસ્તારના લોકોએ પણ તેમના આ સરળ અને નિર્ણાયક અભિગમની પ્રશંશા કરી હતી અને પોતાની રજુઆત બાબત યોગ્ય માર્ગદર્શન અને ઝડપી નિકાલ માટે હર્ષ સંઘવીનો આભાર પણ વ્યક્ત કર્યો હતો.