Gujarati News

રાજકોટ તા. ૧૬: આગામી વિધાનસભાની ચૂંટણી સંદર્ભે નરેન્‍દ્રભાઇ અને અમિતભાઇના હોમ ટાઉન એવા ગુજરાતમાં વધુને વધુ બેઠકો જીતવા માટે ચોમાસુ જામે તે પહેલા વધુને વધુ વડાપ્રધાનની મુલાકાતો ગોઠવી શકાય તેવા મિશન ગુજરાત અંતર્ગત કાલ સાંજથી ગુજરાત આવી રહેલ વડાપ્રધાન બંદોબસ્‍ત સાથે સાથે ગુજરાતની ૧૨૪ જેટલી રથયાત્રા બંદોબસ્‍તમાં કોઈ કચાસ ન રહે તે માટે રાજ્‍યના મુખ્‍ય પોલીસ વડા આશિષ ભાટિયા અને ગુજરાતના લો એન્‍ડ ઓર્ડર વડા નરસિહમા કોમાર દ્વારા તાકીદની વિડિયો કોન્‍ફરન્‍સ દ્વારા દેશ ભરમાં તાજેતરમાં નમાજ બાદ જે ઘટનાઓ બની તે સંદર્ભે લેવાના પગલાંઓ અંગે માર્ગદર્શન આપવા સાથે સાવચેતી રાખવા સૂચનાઓ આપવામાં આવી હતી, યોગાનુંયોગ રથયાત્રા પણ શુક્રવારના હોય વિશેષ કાળજી રાખવા પોલીસ તંત્ર ધંધે લાગ્‍યું છે. 

વડાપ્રધાન શ્રી મોદી કાલે ગુજરાત આવી રાજ ભવનમાં રોકાણ કરશે, અને ૧૮મિએ પાવાગઢમાં મહાકાળી માતાજીના દર્શન કરવાના હોવાથી તેમની સુરક્ષા માટેની વ્‍યવસ્‍થા અંગે પણ મુખ્‍ય પોલીસ વડા આશિષ ભાટિયા તથા લો એન્‍ડ ઓર્ડર વડા નરસિંહમા કોમાર દ્વારા સમીક્ષા કરવામાં આવેલ, ગૃહમંત્રી હર્ષભાઈ સંઘવી દ્વારા પણ રોપેવે દ્વારા પાવાગઢ મંદિર પહોંચી અધિકારીઓ સાથે બંદોબસ્‍ત સહિત વ્‍યવસ્‍થા બાબતે ચર્ચાઓ કરી હતી.આજે ગૃહમંત્રી વડોદરા ખાતે પોલીસ કમિશનર ઓફિસ ખાતે પણ વડોદરા પ્રવાસ અંગે સમીક્ષા યોજશે, નરેન્‍દ્રભાઇ પાવાગઢ ખાતે વીરાસન વન, વડોદરામાં ગુજરાત ગૌરવ અભિયાન કાર્યક્રમ અંતર્ગત વિશાળ જનમેદની સંબોધનાર હોવાથી દિલ્‍હીથી એસપીજી ના ટોચના અધિકારીઓ વડોદરા પાવાગઢ આવી પોહાચ્‍યા છે, રાષ્‍ટ્રિય લેવલના નેશનલ સિકયોરિટી ગાર્ડ એન.એસ. જી પોતાની સાથે લાવેલ એન્‍ટી ડ્રોન સિસ્‍ટમ દ્વારા ડ્રોનના ખતરા સામે પણ રક્ષણ આપવા સુરક્ષા ચક્ર રચવામાં આવ્‍યું છે.                    

વડોદરામાં સભા, પીએમ આવાસ યોજના લોકાપર્ણ,ગતિ શકાતી બિલ્‍ડિંગ લોકા પર્ણ કાર્યક્રમ, રેલવે પ્રોજેક્‍ટ, રેલવે લાઇન પ્રારંભ સહિતના ભરચક્ક કાર્યક્રમ હોવાથી વડોદરાનાં પોલીસ કમિશનર શમશેર સિહ સતત પોલીસ બંદોબસ્‍ત અંગે જાત માહિતી મેળવવા સાથે તમામ સ્‍થળોનું નિરીક્ષણ કરવા સાથે તમામ અઘિકારીઓ રિવ્‍યૂ કરી ધડાધડ સૂચનાઓ આપી રહ્યા છે. વડા પ્રધાનના ભરચક કાર્યક્રમો શુક્રવાર તારીખ પહેલી મે ની રથ યાત્રા પ્રવર્તમાન માહોલમાં તંત્ર ગાફેલ ન રહે તે માટે આઇબી વડા અનુપમ સિહ ગહેલોત દ્વારા સમગ્ર આઇબી યુનિટ કામે લગાડી દીધું છે અને તંત્રને સતત ઇનપુટ આપી સાવધ કરી રહ્યાનું પણ સૂત્રો જણાવે છે.