Gujarati News

રાજકોટ તા. ૧૯ : ફાગણ મહિનાનો શુભારંભ થઇ ગયો છે. ઉનાળો જામી ગયો છે. પૌરાણિક અને વૈજ્ઞાનિક દ્રષ્ટિએ મહિમાવંતા હોળી - ધૂળેટીના તહેવારો આવી રહ્યા છે. રવિવારથી એક અઠવાડિયા માટે હોળાષ્ટક શરૂ થશે. હાલ શાસ્ત્રોકત દ્રષ્ટિએ લગ્નના મુહૂર્તો નથી. લગ્નોત્સવના નવા તબક્કાનો પ્રારંભ તા. ૨૪ એપ્રિલથી થશે.

શાસ્ત્રી શ્રી લલિતકુમાર એલ. ભટ્ટ (મો. ૮૧૪૧૫ ૨૮૦૫૦)ના કથન મુજબ તા. ૨૧ રવિવારે સવારે ૭.૧૯ વાગ્યાથી હોળાષ્ટકનો પ્રારંભ થાય છે અને તા. ૨૮ રવિવારે હોળીની રાત્રે ૧૨.૧૯ વાગ્યા સુધી હોળાષ્ટક રહેશે. બીજા દિવસે તા. ૨૯મીએ સોમવારે ધૂળેટી છે. હોળાષ્ટકના સમયમાં સગાઇ, લગ્ન, વાસ્તુ, ખાતમુહૂર્ત, ઉદ્ઘાટન જેવા શુભ પ્રસંગો શાસ્ત્રોકત દ્રષ્ટિએ કરવા યોગ્ય નથી. આ વર્ષે હોળાષ્ટક પૂરા થયા પછી ૨૫ દિવસે લગ્નોત્સવ શરૂ થાય છે. એપ્રિલ, મે મહિનાના લગ્નના મંગલ મુહૂર્તો આ મુજબ છે.