Gujarati News

Gujarati News

News of Saturday, 23rd January 2021

પોશીનાના દંત્રાલ પંચાયતના સરપંચ વિરુદ્ધ અવિશ્વાસનો પ્રસ્તાવ મંજૂર

કુલ ૧૩ સભ્યોમાંથી ૯ સભ્યોએ હાજર રહી સરપંચ વિરુદ્ધ અવિશ્વાસના પ્રસ્તાવ તરફી મત આપ્યા

હિંમતનગર:પોશીના તાલુકાના દંત્રાલ ગ્રામ દંત્રાલ ગ્રામ પંચાયત ખાતે પોલીસ બંદોબસ્ત અને પંચાયતના અધિકારીઓની ઉપસ્થિતિમાં સામાન્ય સભા બોલાવાતા પંચાયતના કુલ ૧૩ સભ્યોમાંથી ૯ સભ્યોએ હાજર રહી સરપંચ વિરુદ્ધ અવિશ્વાસના પ્રસ્તાવ તરફી મત આપતા ઉપસ્થિત પ્રસ્તાવ અધ્યાસી વિસ્તરણ અધિકારીએ અવિશ્વાસની દરખાસ્ત પર મંજૂરીની મહોર મારી હતી.

સરપંચ મગનભાઇ ડાભી વિરુદ્ધ ડે.સરપંચ રણજીતભાઇ ડાભી તથા સભ્યો દ્વારા અવિશ્વાસની દરખાસ્ત રજુ કરાઇ હતી. જેના અનુસંધાને ગત શનિવારે દંત્રાલ ગ્રામ પંચાયત ખાતે સામાન્ય સભા બોલાવાઇ હતી પરંતુ સામાન્ય સભા દરમિયાન સરપંચ તેમજ ડે.સરપંચના બે જૂથો વચ્ચે સભ્યોની ખેંચતાણ બાબતે મામલો ઉગ્ર બનતા ધિંગાણુ મચ્યુ હતું. ધિંગાણામાં મારામારી સાથે પથ્થરમારો થતા પોલીસને દરમિયાનગીરી કરી ફાયરીંગ સાથે ટીયરગેસના સેલ છોડવા મજબુર થવુ પડયુ હતું.

(1:00 pm IST)
  • અમદાવાદમાં પણ સવારે ધુમ્મસભર્યું વાતાવરણઃ અમદાવાદ-વડોદરા એકસપ્રેસ હાઇવે ઉપર વાહન ચાલકોને લાઇટો ચાલુ રાખવાની ફરજ પડી : રાજકોટઃ સૌરાષ્ટ્ર સહિત ગુજરાતભરમાં છેલ્લા બે-ત્રણ દિવસથી સવારે ઝાળકવર્ષા જોવા મળે છે. દરમિયાન આવે વ્હેલી સવારે અમદાવાદમાં ગાઢ ધુમ્મસ જોવા મળેલ તો અમદાવાદ એકસપ્રેસ હાઇવે ઉપર ધુમ્મસના પગલે વાહનચાલકોને ભારે પરેશાનીનો સામનો કરવો પડયો હતો. લાઇટો ચાલુ રાખી ધીમી સ્પીડે કાર ચાલકો વાહન ચલાવતા જોવા મળ્યા હતા. access_time 11:33 am IST

  • મે મહિનામાં યોજાશે કોગ્રેસ અધ્યક્ષની ચૂંટણી : સીડબલ્યુસીની બેઠકમાં લેવાયો નિર્ણય access_time 12:14 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો:એક્ટિવ કેસના આંકમાં સતત ઘટાડો : રાત્રે 11 વાગ્યા સુધીમાં કોરોનાના નવા 14,198 કેસ નોંધાયા :કુલ કેસની સંખ્યા 1,06,54,744 થઇ :એક્ટિવ કેસ 1,82,205 થયા: વધુ 14,675 દર્દીઓ સ્વસ્થ થતા કુલ 1,03,14 ,738 થયા :વધુ 144 લોકોના મોત સાથે કુલ મૃત્યુઆંક 1,53,365 થયા access_time 12:51 am IST