Gujarati News

Gujarati News

News of Tuesday, 23rd February 2021

'આપ'ને ઉભા રહેવાની જગ્યા મળી : ભવિષ્યમાં 'ચાલવાની' તક

ચલતા રહુંગા પથ પર, ચલને મેં માહિર બન જાઉંગા, યા તો મંજિલ મિલ જાયેગી, યા તો અચ્છા મુસાફીર બન જાઉંગા : સુરતમાં કોંગી કરતા આમ આદમી પાર્ટી આગળ : બે આંકડે બેઠકો કબજે : રાજકોટ જેવા મહાનગરોમાં હજારો મત મેળવ્યા : રાજ્યમાં ત્રીજા બળનો ઉદય

રાજકોટ તા. ૨૩ : ગુજરાતમાં આજે ૬ મ્યુનિસિપલ કોર્પોરેશન વિસ્તારની ચૂંટણીનું પરિણામ જાહેર થતા ભાજપનો કેસરિયો વિજય વાવટો લહેરાયો છે. કોંગ્રેસ પરાજય સાથે વધુ નબળી પડી છે. ત્રીજા બળ તરીકે આમ આદમી પાર્ટીનો ઉદય થયો છે. આ લખાય છે ત્યારે બપોરે ૨ વાગ્યાની સ્થિતિ મુજબ સુરતમાં ભાજપ પછી આપ બીજા ક્રમે અને કોંગ્રેસ ત્રીજા ક્રમે છે. રાજકોટ જેવા મહાનગરોમાં 'આપ'ને હજારો મત મળ્યા છે.

આમ આદમી પાર્ટીને કયાંય કીંગ કે કીંગ મેકર બનવાની તક મળી નથી છતાં નોંધપાત્ર દેખાય રહ્યો છે. ભાજપના પ્રદેશ પ્રમુખના ઘર આંગણે સુરતમાં ઝાડુએ સફાઇ કરીને ૨૧ બેઠકો મેળવી લીધી છે. રાજકોટમાં 'આપ'ના ઉમેદવારોને ૧ થી ૯ હજાર સુધી મત મળ્યા છે. આપે કોના મત કાપ્યા તે અલગ વિશ્લેષણનો વિષય છે પણ ગુજરાતમાં ઉભા રહેવા જેટલો જનાધાર મેળવી લીધો છે. ઉભા રહેવાની જગ્યા કર્યા પછી હવે આપને ગુજરાતમાં ચાલવાની તક છે. અમુક વોર્ડમાં કોંગી અને આપના મતનો સરવાળો ભાજપના મત કરતા વધુ થાય છે. ૨૦૨૨ની ધારાસભાની ચૂંટણીમાં આપ મજબૂતાઇથી મેદાને આવે તેવો વર્તારો છે.

(4:02 pm IST)
  • પોપ્યુલર એપ્પનાં 300 કરોડ યુઝર્સના પાસવર્ડ થયા લીક : Gmail, Netflix અને Linkedin પર એકાઉન્ટ રાખતા યુઝર્સને મોટો ઝટકો :લીક થયેલા ડેટામાં યુઝર્સની આઈડી અને પાસવર્ડ જેવી જાણકારી સામેલ :હેવાલ મુજબ 1અંદાજે 500 કરોડ એકાઉન્ટને ટાર્ગેટ કરાયા હતા જેમાંથી 300 કરોડ યુઝર્સના આઈડી અને પાસવર્ડ હૈક કરાયા access_time 11:15 pm IST

  • મધ્યપ્રદેશમાં પણ કોરોનાના કહેરનો ખતરો : મહારાષ્ટ્ર બોર્ડરના જિલ્લામાં એલર્ટ : આરોગ્યમંત્રીએ જિલ્લા ક્રાઈસીસ મેનેજમેન્ટ ગ્રુપ સાથે બેઠક કરી :કોરોના ગાઈડલાઇનનું ચુસ્ત પાલન કરાવવા આદેશ : મહારાષ્ટ્રથી આવનાર પ્રવાસીઓને થર્મલ સ્ક્રીનિંગ કરાશે : મોટા મેળાવડા સહિતના આયોજન પર રોક લગાવાઈ access_time 11:20 pm IST

  • રાજકોટના વોર્ડ નં.૯માં ભાજપની પેનલનો ભવ્ય વિજય : અત્યાર સુધીમાં સૌથી વધુ ૧૩ હજારની લીડથી જીત : રાજકોટ વોર્ડ નં.૨માં બીજા રાઉન્ડમાં પણ ભાજપની પેનલ આગળ access_time 1:50 pm IST