Gujarati News

Gujarati News

News of Tuesday, 23rd February 2021

સુરતના ખટોદરા નજીક સિલાઈના કારખાનામાં રાત્રે ત્રાટકેલા તસ્કરો ટેમ્પોમાં 1.80 લાખની કિંમતનો સામાન લઇ રફુચક્કર:સીસીટીવીના આધારે તપાસ હાથ ધરવામાં આવી

સુરત: શહેરના ખટોદરા સોમા કાનજીની વાડીમાં આવેલા સિલાઇના કારખાનામાં રાત્રે ત્રાટકેલા તસ્કરો ટેમ્પોમાં લહેંગાના 11 પોટલા કિંમત રૂા. 1.80 લાખની મત્તા ચોરી ભાગી ગયા હતા. સમગ્ર ઘટના સીસીટીવીમાં કેદ થઇ હોવાથી પોલીસે તેના આધારે તપાસ હાથ ધરી છે.

રૂસ્તમપુરા-મોમનાવાડ સ્થિત મસ્જિદની સામે રહેતા શશાંક પ્રમોદચંદ ભરતવાલા (ઉ.વ. 43) અને તેનો સાળો અજય વિજયસીંગ ઠાકોર ખટોદરા સ્થિત સોમા કાનજીની વાડી પ્લોટ નં. 3 ના બ્લોક નં. 2માં સિલાઇનું કારખાનું ચલાવે છે. રવિવારે રાત્રે ત્રાટકેલા તસ્કરો કારખાનાના મેઇન દરવાજાનું તાળું લોખંડની નરાજ વડે તોડી અંદર પ્રવેશી સિલાઇ જોબવર્કના 300 લહેંગાના 11 પોટલા કિંમત રૂા. 1.80 લાખની મત્તાના ચોરીને ભાગી ગયા હતા.

સવારે પાણી સપ્લાયરે શશાંકને જાણ કરતા તેઓ તુરંત જ કારખાને દોડી આવ્યા હતા. શશાંકે કારખાનાના સીસીટીવી ફૂટેજ ચેક કરતા તેમાં ચાર ચોર ટેમ્પો લઇને આવ્યા હતા અને ચાર પૈકી એક ચોર દસ દિવસ અગાઉ કારખાનામાં કચરો લેવા આવ્યો હતો તે હોવાનું નજરે પડયું હતું. ઘટના અંગે શશાંકે ખટોદરા પોલીસ સ્ટેશનમાં ફરીયાદ નોંધાવી હતી.

(5:00 pm IST)
  • ચામુંડા વાસે ત્રણ જ દિવસમાં શ્રીલંકાના બોલિંગ કોચ પદ છોડ્યું :ત્રણ દિવસ પહેલા જ ટીમના બોલિંગ કોચ પદે નિયુક્ત થયેલા ચામુંડા વસે અચાનક રાજીનામુ આપ્યું : શ્રીલંકા ક્રિકેટ એસો, સાથે પૈસાને લઈને વિવાદ હોવાથી રાજીનામુ આપ્યાનું મનાય છે access_time 11:02 am IST

  • 'આપ'ના રાજભા ઝાલાને માત્ર ૧૧૨૦ મત મળ્યા : બીજા રાઉન્ડના અંતે બપોરે ૨ વાગે 'આપ'ના અગ્રીમ નેતા અને ભાજપના સ્ટેન્ડીંગ ચેરમેન રહી ચૂકેલા, ભાજપ સામે ઉપવાસ આંદોલન કરનાર શ્રી રાજભા ઝાલાને પ્રજાએ સંપૂર્ણ જાકારો આપ્યો છેઃ બીજા રાઉન્ડના અંતે રાજભાને ૧૧૨૦ મત મળ્યા છેઃ જયમીન ઠાકરને ૩૮૪૫, મનીષ રાડીયા ૩૪૩૫૭ access_time 3:57 pm IST

  • ગૂગલની પ્રસિદ્ધ એપ્પ ગુગલ પ્લે મ્યુઝિક થશે બંધ : છેલ્લા આઠ વર્ષથી ચાલતી આ એપને સંપૂર્ણપણે બંધ કરવા નિર્ણય :એવું મનાય છે કે ગુગલ પ્લે મ્યુઝિકને યુટ્યુબ મ્યુઝિક એપથી રિપ્લેસ કરાશે :ગૂગલે ડિસેમ્બર 2020માં પ્લે મ્યુઝિકનું સંચાલન બંધ કર્યું હતું જેને હવે યૂટ્યૂબ મયુઈકમાં બદલાવી રહ્યાં છે access_time 11:25 pm IST