Gujarati News

(વંદના નીલકંઠ વાસુકિયા) વિરમગામ : ઘી અમદાવાદ ડિસ્ટ્રિક કો.ઓ.બેન્કના ચેરમેન અજયભાઈ પટેલ અને વાઇસ ચેરમેન જગદીશભાઇ પટેલના નેતૃત્વ હેઠળ વિરમગામ તાલુકાના કમીજલા અને થુંલેટા શાખાનો "ગ્રાહક સંવાદ" યોજાયો હતો. આ સભામાં સહકારી ક્ષેત્રે થયેલ સુધારા અને સહકરી ક્ષેત્રે મળતા લાભ વિશે ચર્ચા કરવામાં આવી અને ખેડૂતના પ્રશ્નોના નિરાકરણ માટે સંવાદ કરવામાં આવ્યો હતો. ગ્રાહક સંવાદ કાર્યક્રમમાં વિરમગામ એડીસી બેન્કના ડિરેક્ટર અને પૂર્વ ધારાસભ્ય વજુભાઇ ડોડીયા, વિરમગામ એપીએમસી વાઇસ   ચેરમેન  રમેશભાઈ કોળીપટેલ, ગોપાલભાઈ પંડ્યા, ન્યુ ખરીદ વેચાણ સંઘના ડિરેક્ટર ભરતભાઈ સિંધવ, બેંકના કર્મચારીઓ, મંડળીઓના સેક્રેટરી, ચેરમેન,  સભાસદ સાથે બેન્કના ગ્રાહકો ઉપસ્થિત રહ્યા હતા. (તસવીર : રસીક કોળી – રૂપાવટી)