Gujarati News

રાજકોટ, તા. ૨૫ : ગુજરાત રાજય માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ગત માર્ચ માસમાં લેવાયેલ ધો.૧૦ અને ધો.૧૨ સાયન્સ પરીક્ષામાં એક કે બે વિષયમાં નાપાસ થયેલા વિદ્યાર્થીઓની પુરક પરીક્ષાનો આજથી પ્રારંભ થયો છે.

રાજકોટમાં ધો.૧૦ વિજ્ઞાન પ્રવાહમાં ૯૪૦ અને ધો.૧૨ વિજ્ઞાન પ્રવાહમાં ૫૯૧૫ છાત્રો પરીક્ષા માટે આવેદનપત્ર ભર્યા છે. આજે સવારે ૨૦૦થી વધુ છાત્રો પરીક્ષા આપી રહ્યા છે.

શિક્ષણ બોર્ડ દ્વારા પૂરક પરીક્ષા જૂનાગઢ, જામનગર, સુરેન્દ્રનગર, મોરબી સહિતના જિલ્લામાં કોવિડ-૧૯ના માર્ગદર્શન મુજબ લેવાઈ રહી છે. તમામ પરીક્ષાર્થીઓનું ટેમ્પરેચર માપવામાં આવી રહ્યુ છે અને સેનેટાઈઝ અને માસ્કની વ્યવસ્થા પરીક્ષા કેન્દ્રો ઉપર કરવામાં આવી છે.