Gujarati News

Gujarati News

News of Friday, 25th September 2020

સી-પ્લેન માટે પૂરજોશમાં તૈયારી શરૂ: રિવરફ્રન્ટ પર એરપોર્ટ બિલ્ડિંગ-ટર્મિનલ બનાવવા યોજના

સી-પ્લેન માટે જેટી આવી ગઈ:ખાસ પાર્કિંગ સ્પેસ ઉભો કરાશે : ફલોટીંગ જેટીની કનેકટિવીટી માટે એક બ્રીજ બનાવાશે

અમદાવાદ : આગામી 31 ઓકટોબરના રોજ કેવડીયા કોલોની ખાતેથી જેનો આરંભ કરવાની આલબેલ પોકારાઈ રહી છે એવા સી-પ્લેન માટે અમદાવાદના સાબરમતી રીવરફ્રંટના અપર પ્રોમેનાડ પર એરપોર્ટ બિલ્ડીંગ તેમજ ટર્મિનલ અને વોચ ટાવર સહીતની સુવિધા ઉભી કરવા તંત્ર દ્વારા આયોજન કરાયુ છે.જો કે આ માટે સમય ખુબ ઓછો હોવાથી એરપોર્ટ બિલ્ડીંગ નજીકના સમયમાં બનવું શકય ન હોઈ હાલ પુરતી સી-પ્લેન ઉડાડી શકાય એવી અન્ય તમામ સુવિધા ઝડપથી પુરી કરી લેવા તંત્રને આદેશ કરવામાં આવ્યા હોવાનું આધારભૂત સુત્રોમાંથી જાણવા મળ્યું છે.

વડાપ્રધાન  મોદીના ડ્રીમ પ્રોજેકટ પૈકીના એક એવા સી-પ્લેનને અમદાવાદથી કેવડીયા સુધી 31 ઓકટોબર-2020થી શરૂ કરી શકાય એ માટે તંત્ર દ્વારા અમદાવાદ શહેરનાં આંબેડકર બ્રિજ પાસે તડામાર તૈયારીઓ શરૂ કરવામાં આવી છે.સી-પ્લેન માટે જેટી આવી ગઈ છે.

સૂત્રોના કહેવા પ્રમાણે,રીવરફ્રંટના અપર પ્રોમેનાડ પર એરપોર્ટ બિલ્ડીંગ ઉપરાંત ટર્મિનલ અને વોચ ટાવર બનાવવાનું પણ આયોજન કરવામાં આવ્યું છે.ઉપરાંત વ્હીકલ પાર્કીંગ માટે પણ ખાસ પાર્કીંગ સ્પેસ ઉભી કરવામાં આવશે. ઉપરાંત ફલોટીંગ જેટીની કનેકટિવીટી માટે એક બ્રીજ તૈયાર કરાશે.

આ બ્રીજ નદીના પાણીને લેવલમાં રાખી જેટીને કનેકટિવીટી કરી આપશે.ઓથોરીટી જયાં સુધી પોતાની સ્વાયત્ત ફાયર સિસ્ટમ પ્રણાલી ,ફાયર ફાઈટીંગ બોટ,રેસ્કયુ વ્હીકલ અને સ્ટાફ સાથે ઉભી નહીં કરે ત્યાં સુધી મ્યુનિ.ફાયર વિભાગ દ્વારા સી-પ્લેન માટે જરૂરી એવી ફાયર ફાઈટીંગ સિસ્ટમ અને રેસ્કયુ સિસ્ટમ ઉપલબ્ધ કરાવશે.

સી-પ્લેન માટે નદીના પાણીમાં રન-વે બનાવવા માટે બોયાની મદદ લેવામાં આવશે.બોયા સી-પ્લેનને આવવા અને જવા માટેનો ચોકકસ રન-વે ઉપલબ્ધ કરાવશે.બોયાની મર્યાદામાં જ સી-પ્લેનને આવવા-જવાનું રહેશે

(12:03 pm IST)
  • સેન્સેકસની ગજબની રમત : શેરબજારની માયાજાળ અદભુત છે. ગઇકાલે ૧૧૦૦ પોઇન્ટના કડાકા પછી આજે સવારે પ્રારંભમાં જ સેન્સેકસ લગભગ ૪૦૦ પોઇન્ટ (૩૯૫.૦૮) ઉચકાયો હતો અને નિફટી ૧૨૧ પોઇન્ટ ઉંચકાઇ હતી અને આ લખાય છે ત્યારે સવારે ૧૦.૨૭ કલાકે સેન્સેકસ ૨૬૨ પોઇન્ટ તથા નિફટી ૭૭.૯૦ પોઇન્ટ 'અપ' છે. access_time 11:29 am IST

  • પટણામાં પપ્પુ યાદવના કાર્યકર્તાઓની બેફામ ધોલાઇ કરતા ભાજપ કાર્યકર્તાઓઃ મોટો હંગામો : પપ્પુ યાદવની જનશકિત પક્ષના કાર્યકરો ખેડૂત વિરોધી ખરડાનો વિરોધ કરવા પહોંચતા જ ભાજપ કાર્યકર્તાઓ લાઠીઓ લઇ તૂટી પડયા હતાઃ બેફામ ધોલાઇ કરી : પપ્પુ યાદવના કાર્યકરો હાથ જોડી માફી માગતા નજરે પડેલ પણ ભાજપના કાર્યકર્તાઓએ ધોલાઇ ચાલુ જ રાખેલ access_time 12:51 pm IST

  • ખાનગી શાળાઓનો ફીનો મુદ્દો હજુ અદ્ધરતાલ : વાલી મંડળે ૫૦%ની માંગણી કરી : શિક્ષણમંત્રીએ ૨૫%ની ફી માફીની દરખાસ્ત કરી : ફરી ૨૯મીએ શિક્ષણમંત્રી સાથે વાલીમંડળની બેઠક મળશે access_time 4:06 pm IST