Gujarati News

ગુજરાત વિધાનસભા ચૂંટણીને લઇને ભાજપે સેન્સ લેવાની પ્રક્રિયા શરૂ કરી છે. જેમાં ભાવનગર પૂર્વ વિધાનસભા બેઠક માટે નિરીક્ષકોએ સેન્સ લીધી હતી.જિલ્લા મહિલા ભાજપ પ્રમુખ ધાર્મિષ્ઠાબેન દવે, ટીવી એક્ટ્રેસ આરતી જોશીએ દાવેદારી નોંધાવી હતી. આ સિવાય પૂર્વ મેયર મેહુલ વડોદરિયા, ડે. મેયર કુમાર શાહ, સંગઠન મહામંત્રી યોગેશ બદાણીએ દાવેદારી નોંધાવી છે. 

બીજી બાજુ આ બેઠક માટે ધારાસભ્ય વિભાવરી બેન દવેને રિપીટ કરવા ટેકેદારો માંગ કરી રહ્યા છે. એટલું જ નહી આ બેઠક માટે ઘર ઘરમાં ફ્રેમસ બનેલી ધારાવાહિક ટીવી શો તારક મહેતા કા ઉલ્ટા ચશ્મામાં કામ કરી ચૂકેલી ટીવી એક્ટ્રેસ આરતી જોશીએ પણ ભાજપની ટિકિટની માંગ કરી હતી. 

આરતી જોશી તારક મહેતા કા ઉલ્ટા ચશ્મામાં કામ કરી ચૂકી છે. તે સિવાય તેણે વેબ સિરીઝ 'દલ્લા' (Dalla) માં પણ જોવા મળી હતી, જેમાં તેણે પોલીસ ઓફિસરની ભૂમિકા ભજવી હતી. આ સાથે અભિનેત્રી ફિલ્મ ‘સંજુ’ અને નરેન્દ્ર મોદી બાયોપિકમાં જોવા મળી હતી.