Gujarati News

મુંબઈ, તા. ૨ :. દેશમાં કોરોનાની નવી લહેરથી સૌથી વધુ પ્રભાવિત મહારાષ્ટ્રના પૂણેમાં નાઈટ કર્ફયુનુ એલાન કરવામાં આવ્યુ છે. શનિવારે ૩ એપ્રિલથી આ ફેંસલો લાગુ થશે અને આવતા શુક્રવારે તેની સમિક્ષા થશે. સાંજે ૬ થી સવારે ૬ સુધી નાઈટ કર્ફયુ લાગુ રહેશે. દેશના અનેક શહેરોમાં લાગેલા નાઈટ કર્ફયુના મુકાબલે આ સૌથી લાંબો કર્ફયુ હશે. પૂણેના ડિવીઝનલ કમિશ્નર સૌરભ રાવએ આ માહિતી આપી હતી. તેમણે કહ્યુ હતુ કે આવતા ૭ દિવસ સુધી બાર, હોટેલ, રેસ્ટોરન્ટ બધુ બંધ રહેશે. આ સિવાય લગ્ન અને અંતિમ સંસ્કાર સિવાય કોઈ જાહેર કાર્યક્રમો યોજી નહિ શકાય. લગ્નમાં ૫૦થી વધુ અને અંતિમ સંસ્કારમાં ૨૦થી વધુ લોકો એકઠા થઈ નહિ શકે. આ દરમિયાન તમામ ધાર્મિક સ્થળો પણ સંપૂર્ણ રીતે બંધ રહેશે.

છત્તીસગઢના દુર્ગમાં ૬ એપ્રિલથી ૧૪ એપ્રિલ સુધી સંપૂર્ણ લોકડાઉન જાહેર

નવી દિલ્હીઃ છત્તીસગઢના દુર્ગમાં ૬ એપ્રિલથી ૧૪ એપ્રિલ સુધી સંપૂર્ણ લોકડાઉન લાગુ રહેશે. લોકડાઉન વખતે જે નિયમો હતા તે નિયમોનું પાલન કરવુ પડશે. કોરોનાના વધતા કેસ વચ્ચે આ નિર્ણય લેવાયો છે.