Gujarati News

મુંબઈ, તા.૨: બોલીવુડ અભિનેત્રી શિલ્પા શેટ્ટીના પતિ રાજ કુન્દ્રા આ દિવસોમાં પોર્ન વીડિયો બનાવવાના મામલામાં જેલમાં છે. અભિનેત્રી શિલ્પા શેટ્ટીએ આ વિવાદ પર પ્રથમવાર મૌન તોડ્યુ છે. શિલ્પા શેટ્ટીએ આજે નિવેદન જારી કર્યું છે.

અભિનેત્રીએ લખ્યું છે- મેં આ મામલા પર અત્યાર સુધી કોઈ ટિપ્પણી કરી નથી, આગળ પણ કરીશ નહીં કારણ કે કેસ કોર્ટમાં છે. અભિનેત્રીએ આજે સોશિયલ મીડિયા પર લખ્યું છે- હાં, છેલ્લા કેટલાક દિવસ મારા માટે ખુબ મુશ્કેલ ભર્યા રહ્યાં છે. મારા અને પરિવાર ઉપર દ્યણા આરોપ લાગ્યા છે. મને ટ્રોલ કરવામાં આવી છે. માત્ર મને જ નહીં મારા પરિવારને દ્યસેડવામાં આવી છે. મેં આ મામલા પર અત્યાર સુધી કોઈ ટિપ્પણી કરી નથી, આગળ પણ કરીશ નહીં આ મામલો કોર્ટમાં છે. તમે લોકો મારા વિરુદ્ઘ ખોટા કોટ લખવાનું બંધ કરો.

અભિનેત્રીએ લખ્યુ- મારી ફીલોસોફી તે છે કે કોઈને કંપ્લેન ન કરો, કોઈને એકસ્પ્લેન ન કરો.

અભિનેત્રીએ કહ્યું કે, તેને સંપૂર્ણ વિશ્વાસ છે કે આ મામલામાં નિષ્પક્ષ તપાસ થશે. અભિનેત્રીએ લખ્યું- હું માત્ર એટલું કહેવા ઈચ્છુ છું કે આ મામલાની તપાસ ચાલી રહી છે અને મને મુંબઈ પોલીસ તથા આપણી ન્યાયપાલિકા પર સંપૂર્ણ વિશ્વાસ છે.

પોતાના સ્ટેટમેન્ટમાં આગળ શિલ્પાએ એક અપીલ કરી છે. તેણે આગળ લખ્યું છે- મેં એક માં હોવાના નાતે મારા બાળકોની પ્રાઇવેસી માટે વિનંતી કરુ છું. અમારા વિશે કોઈ સમાચાર વેરિફાઇ કર્યા વગર છાપો નહીં.

અભિનેત્રીએ તે પણ કહ્યું કે, તે ભારતની નાગરિક છે અને તમામ કાયદાનું પાલન કરે છે. તે ૨૯ વર્ષથી મહેનતથી કામ કરી રહી છે. તેનું કહેવું છે કે લોકો તેના પર વિશ્વાસ કરે છે અને કોઈને પણ નિરાશ કરશે નહીં.

સૌથી છેલ્લે તેણે લખ્યું છે- મને અને મારા પરિવારને નિજતાનો અધિકાર છે. મીડિયા ટ્રાયલ ન કરો. કાયદાને પોતાનું કામ કરવા દો. સત્યમેવ જયતે.