સત્યેન્દ્ર જૈનને પૂછપરછ દરમિયાન વકીલ રાખવાની મંજૂરી અંગેનો ચુકાદો અનામત : દિલ્હી હાઈકોર્ટે ED દ્વારા મની લોન્ડરિંગ કેસમાં દિલ્હીના કેબિનેટ મંત્રી સત્યેન્દ્ર જૈનની પૂછપરછ દરમિયાન વકીલને હાજર રહેવાની મંજૂરીને પડકારતી અરજી પર ચુકાદો અનામત રાખ્યો

News of Friday, 3rd June 2022

સત્યેન્દ્ર જૈનને પૂછપરછ દરમિયાન વકીલ રાખવાની મંજૂરી અંગેનો ચુકાદો અનામત : દિલ્હી હાઈકોર્ટે ED દ્વારા મની લોન્ડરિંગ કેસમાં દિલ્હીના કેબિનેટ મંત્રી સત્યેન્દ્ર જૈનની પૂછપરછ દરમિયાન વકીલને હાજર રહેવાની મંજૂરીને પડકારતી અરજી પર ચુકાદો અનામત રાખ્યો

ન્યુદિલ્હી : દિલ્હી હાઈકોર્ટે શુક્રવારે એન્ફોર્સમેન્ટ ડિરેક્ટોરેટ (ED) દ્વારા મની લોન્ડરિંગ કેસના સંબંધમાં દિલ્હીના કેબિનેટ મંત્રી સત્યેન્દ્ર જૈનની પૂછપરછ દરમિયાન વકીલને હાજર રહેવાની મંજૂરી આપતા નીચલી કોર્ટના આદેશને પડકારતી અરજી પર પોતાનો આદેશ સુરક્ષિત રાખ્યો હતો. એન્ફોર્સમેન્ટ ડિરેક્ટોરેટે નીચલી કોર્ટના આદેશને એ આધાર પર પડકાર્યો હતો કે તે એજન્સી સાથે જૈનના રિમાન્ડનું ઉલ્લંઘન કરશે. જસ્ટિસ યોગેશ ખન્નાએ તમામ પક્ષકારોના વકીલોને સાંભળ્યા બાદ આ મામલે પોતાનો ચુકાદો અનામત રાખ્યો હતો. એડિશનલ સોલિસિટર જનરલ (ASG) SV રાજુએ ED માટે હાજર રહીને દલીલ કરી હતી કે જૈન હજુ સુધી આ મામલામાં આરોપી નથી અને તેથી, તેમને કલમ 20 હેઠળ સુરક્ષા આપી શકાય નહીં. ASGએ રજૂઆત કરી હતી કે જો કોઈ વ્યક્તિની ધરપકડ કરવામાં આવે તો પણ તે FIR અથવા ફરિયાદમાં નામ આવ્યા બાદ જ 'આરોપી'નો દરજ્જો પ્રાપ્ત કરશે.તેવું બી.એન્ડ બી.દ્વારા જાણવા મળે છે.