Gujarati News

મુંબઈ : મહારાષ્ટ્રમાં ભારે વરસાદને કારણે પિંગલાઈ નદીમાં આવેલા પૂરથી અમરાવતી જિલ્લાના નીચાણવાળા વિસ્તારોમાં તબાહી મચી ગઈ છે. નદીના જળસ્તરમાં વધારો થતાં અનેક ગામોમાં પાણી ઘૂસી ગયા છે. નંદગાંવમાં કમર પાણી દેખાઈ રહ્યું છે. બીજી તરફ સિંધુદુર્ગ જિલ્લામાં નિર્મલા નદીમાં આવેલા પૂરના કારણે જનજીવન અસ્તવ્યસ્ત થઈ ગયું છે. નિર્મલા નદીમાં પૂરના કારણે 27 ગામોનો સંપર્ક તૂટી ગયો છે. કોલ્હાપુરમાં ભોગવતી નદી રોડ પરના પુલ પરથી વહી રહી છે. એનડીઆરએફની ટીમો ત્યાં તૈનાત કરવામાં આવી છે. આ સાથે રત્નાગીરી, પાલઘર અને પનવેલમાં પણ ભારે વરસાદને કારણે લોકોની મુશ્કેલીમાં વધારો થયો છે.