ઈંગ્લેન્ડના કેપ્ટન બેન સ્ટોક્સે એક ઓવરમાં ફટકાર્યા 34 રન ઝૂડ્યા

News of Saturday, 7th May 2022

ઈંગ્લેન્ડના કેપ્ટન બેન સ્ટોક્સે એક ઓવરમાં ફટકાર્યા 34 રન ઝૂડ્યા

સ્ટોક્સે વર્સેસ્ટરશાયર સામે કાઉન્ટી ચેમ્પિયનશિપ ડિવિઝન 2માં ડરહામ તરફથી રમતી વખતે માત્ર 64 બોલમાં સદી ફટકારી

ઈંગ્લેન્ડના ઓલરાઉન્ડર બેન સ્ટોક્સે ટેસ્ટ ક્રિકેટમાં કેપ્ટનશિપ મળ્યાની ભવ્ય ઉજવણી કરી હતી. સ્ટોક્સે વર્સેસ્ટરશાયર સામે કાઉન્ટી ચેમ્પિયનશિપ ડિવિઝન 2માં ડરહામ તરફથી રમતી વખતે માત્ર 64 બોલમાં સદી ફટકારી હતી. આ દરમિયાન તેણે ડાબોડી સ્પિનર જોશ બેકરની એક ઓવરમાં 34 રન ફટકારીને સદીના આંકને સ્પર્શ કર્યો હતો. બેકરનો તે ઓવરનો છેલ્લો બોલ બાઉન્ડ્રી દોરની બરાબર પહેલા પડ્યો હતો, જેના કારણે સ્ટોક્સ એક ઓવરમાં છ સિક્સર મારવાનું ચૂકી ગયો હતો. આ ઘટના ઇનિંગની 117મી ઓવરમાં બની હતી. તે સમયે બેન સ્ટોક્સ 59 બોલમાં 70 રન બનાવીને બેટિંગ કરી રહ્યો હતો અને તેણે સ્પિન બોલર પર સતત પાંચ સિક્સર ફટકારી હતી. ઓવરનો પહેલો બોલ લોંગ-ઓન પર ગયો, જ્યારે પછીનો બોલ સ્ટોક્સે ડીપ મિડ-વિકેટ પર ફટકાર્યો. ત્યારપછીના ત્રણ બોલ પર સ્ટોક્સે પણ બોલનું એવું જ કર્યું. અંતે બેન સ્ટોક્સ 88 બોલમાં 161 રન બનાવીને આઉટ થયો હતો. સ્ટોક્સે પોતાની ઇનિંગમાં 17 સિક્સર અને 8 ફોર ફટકારી હતી. સ્ટોક્સની આ ઇનિંગને કારણે, ડરહમે તેની પ્રથમ ઇનિંગ 580/6 પર ડિકલેર કરી હતી. સ્ટોક્સની આ તોફાની ઇનિંગ્સનો વીડિયો સોશિયલ મીડિયા પર ખૂબ વાયરલ થઈ રહ્યો છે.