Gujarati News

કર્ણાટક : 94 વર્ષના સ્વાતંત્ર્ય સેનાની ગુંડુરાવ દેસાઇને પેન્શન નહીં ચુકવાતા તેને કર્ણાટક હાઇકોર્ટનો આશ્રય લેવાની ફરજ પડી હતી. જેના અનુસંધાને નામદાર કોર્ટે આ વયોવૃદ્ધ સ્વાતંત્ર્ય સેનાનીનું પેન્શન 6 અઠવાડિયામાં ચૂકવી દેવાનો હુકમ કર્યો હતો.

રાજ્ય સરકારે પેનશન નહીં ચૂકવી શકવાના કારણમાં જણાવ્યું હતું કે અરજદારે બે મૃતક  વ્યક્તિઓ દ્વારા સોગંદનામા રજૂ કર્યા ન હતા. જે કારણને કોર્ટે અશક્ય ગણાવ્યું હતું તથા પૂછ્યું હતું કે શું કબરમાંથી ઉઠાડીને સોગંદનામામાં સહી લઇ શકાય ?

કર્ણાટક હાઇકોર્ટે તાજેતરમાં કહ્યું હતું કે સ્વતંત્રતા સેનાની પેન્શન યોજનાઓ જેવી કરુણાત્મક નીતિઓ લાગુ કરતી વખતે વૈધાનિક સંસ્થાઓએ ન્યાયને હાઇજેક ન કરવો જોઇએ [ગુંડુરાવ દેસાઇ વિ. કર્ણાટક રાજ્ય અને ઓઆરએસ].

સિંગલ જજ જસ્ટિસ ક્રિષ્ના એસ દીક્ષિતે અભિપ્રાય આપ્યો હતો કે આવી યોજનાઓ અંગે અધિકારીઓનો અભિગમ યોજનાઓની ભાવનાની અવગણના ન કરે.

નામદાર કોર્ટે ઉમેર્યું હતું કે સ્વાતંત્ર્ય સંગ્રામ દરમિયાન, ઘણા નાગરિકોએ તેમના જીવન,  અને સ્વતંત્રતાનું બલિદાન આપ્યું અને દેખીતી રીતે તેમના પરિવારો પણ પ્રભાવિત થયા; આ બધું અદ્રશ્ય અને અજાણ્યું બન્યું; અન્ય જેઓ સંઘર્ષમાંથી બચી ગયા અને આઝાદીની પરો પછી જીવ્યા, તેમને સુરક્ષિત રાખવાની જરૂર છે, સંભવત તેઓ તેમની જીવન નૌકા  ચલાવવા માટે અસમર્થ હોવાથી, કેન્દ્ર સરકાર અને રાજ્ય સરકારો બંનેએ સ્વતંત્રતા સેનાની પેન્શન યોજનાઓ જાહેર કરી છે.

અરજદારને 19 માર્ચ, 1988 થી પૂર્વવર્તી અસરથી છ સપ્તાહના સમયગાળા દરમિયાન તમામ બાકી ચૂકવણીનો નિકાલ કરશે. માર્ચ 1998 થી ચડત પેનશન ચુકવવમાં વિલંબ થાય તો રોજના હજાર રૂપિયા લેખે પેનલ્ટી ચૂકવવાનો કર્ણાટક હાઈકોર્ટ એ રાજ્ય સરકારને હુકમ કર્યો હતો .તેવું બી.એન્ડ બી.દ્વારા જાણવા મળે છે.