Gujarati News

Gujarati News

News of Friday, 11th June 2021

નાસિકમાં એક ખૂબ જ ચોંકાવનારી ઘટના સામે આવી વેકિસન લીધા બાદ શરીરમાં પેદા થઇ ચુંબકીય શકિત !

તેમના શરીર પર ચમચી, સ્ટીલ અને લોખંડના વાસણ અને સિક્કા સરળતાથી ચોંટી જાય છે

નાસિક, તા.૧૧: મહારાષ્ટ્રના નાસિકમાં એક ખૂબ જ ચોંકાવનારી દ્યટના સામે આવી છે. અહીં એક પરિવારનો દાવો છે કે કોરોના વેકિસનનો બીજો ડોઝ લીધા બાદ તેમના પરિવારના સભ્ય અરવિંદ સોનારના શરીરમાં ચુંબકીય શકિત પેદા થઇ છે. હવે તેમના શરીર પર ચમચી, સ્ટીલ અને લોખંડના વાસણ અને સિક્કા સરળતાથી ચોંટી જાય છે, જે ખૂબ જ આશ્યર્ચચકિત કરનારી વાત છે.

આ ઘટના સામે આવ્યા બાદ સ્વાસ્થ્ય મંત્રી રાજેશ ટોપેએ તપાસના આદેશ આપ્યા છે. આ ઘટના પાછળ ખરેખર સત્ય શું છે અને તેની પાછળ શું કારણ જવાબદાર છે તથા પરિવારનો દાવો કેટલો સાચો છે? તે અંગે તપાસ કરવામાં આવશે. આની પાછળ કોઇ મેડિકલ કારણ જવાબદાર છે કે કેમ? તેની પણ તપાસ થશે.

પરિવારે એક વીડિયો બનાવ્યો છે, જેમાં જોઇ શકાય છે કે અરવિંદ સોનારના શરીર પર સ્ટીલ અને લોખંડના વાસણ અને સિક્કા સરળતાથી ચોંટી જાય છે. તેમના શરીર પર ચમચી, નાના પ્લેટ, દ્યરમાં ઉપયોગમાં લેવાતાં વાસણો, સિક્કા ચોંટેલા છે.

પરિવાર અનુસાર, તેમણે આ દ્યટનાનો વીડિયો બનાવ્યો અને પોતે જિલ્લા તંત્રને આની માહિતી આપી. તંત્ર તરફથી પણ ડોકટર્સની એક ટીમ બુધવારે તપાસ માટે પહોંચી હતી.

(3:56 pm IST)
  • રાજસ્થાનના કલાકારો માટે ગેહલોત સરકારનો મોટો નિર્ણય : આર્થિક રીતે નબળા કલાકારોની મદદ મળશે : 5 હજાર રૂપિયાની વન-ટાઇમ સહાય આપવામાં આવશે : કલાકાર કલ્યાણ ભંડોળ તરફથી સહાય આપવામાં આવશે : 2 હજાર જરૂરિયાતમંદ કલાકારોને સહાય મળશે access_time 9:44 pm IST

  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST

  • અહો આશ્ચર્યમ !! ઇઝરાઇલના યેવ્નીમાં ખોદકામ દરમિયાન 1000 વર્ષ જૂનું મરઘીનું અખંડ ઇંડું મળી આવ્યું છે. એક પુરાતત્ત્વવિદે જણાવ્યું હતું કે, "આ ઇંડાની અનન્ય જાળવણી દેખીતી રીતે નરમ માનવ મળ ધરાવતા સેસપિટમાં, તે સદીઓથી મૂકેલી સારી પરિસ્થિતિઓને કારણે હતી અને આ ઈંડાને આટલા વર્ષો જાળવી રાખવામાં મદદરૂપ બની હતી." અન્ય એક પુરાતત્ત્વવિદે કહ્યું કે, "ઇંડામાં એક નાની તિરાડ હતી, જેના લીધે મોટાભાગનું પ્રવાહી તેમાંથી બહાર નીકળી ગયું હતું." access_time 5:50 pm IST